Yaponiyaniń KyouWa kompaniyasi prezidentı Koremasa Tamura hám Shunan universiteti Shimizutanı Takashi menen ushırasıw.

  Qaraqalpaqstan awıl xojalıǵı hám agrotexnologiyalar institutında Yaponiyanıń  KyouWa kompaniyası prezidentı Koremasa Tamura hám Shunan universiteti prorektorı Shimizutanı Takashi  menen ushırasıw ótkerildi. Miymanlardı institutımiz rektorı  B.B.Jollıbekov  kútip aldı hám sáwbet ótkerdi. Ushırasıwda instititumızdıń oqıw isleri boyınsha prorektorı N.Absattarov, ilimiy isler hám innovaciyalar  boyınsha prorektorı A.Alimov hám Suw xojalıǵı hám jerden paydalanıw kafedrası baslıǵı  A. Djumanazarova  qatnastı. Ushırasıw Yaponiyanıń KyouWa kompaniyası prezidentı Koremasa Tamura hám Shunan universiteti Shimizutanı Takashi tárepinen Sheet-pipe System ónimi usınıs etildi. Bul ónim quramı jaǵınan qaǵaz birikpeli bolıp suwǵarıw sistemasında paydalanıladı. Álbette Sheet-pipe System ónimin Qaraqalpaqstan topıraq ıqlım shárayátında sınaw hám bul ústinde institutımız  benen birgelikte keleshekte ilimiy izertlew jumısları, óz-ara tájiriybe almasıw máseleleri ushın shártnama dúziwge kelisip alındı.