Qaraqalpaqstan awıl xojalıģı hám agrotexnologiyalar institutında “ECOARAL” joybarı sheńberinde ushırasıw shólkemlestirildi. 

  GIZ xalıq aralıq sheriklik jámiyetiniń “ECOARAL” joybarı sheńberinde Germaniya Ekonomikalıq sheriklik hám rawajlanıw federal ministrligi auditorları Kallweit Michael Gunter, Pfemeter Johannes, GIZ bas ofisi qánigeleri Unsöld Rebecca, Julia Au, joybar baslıǵı Paul Schumacher hámde jergilikli qánigeleri 15-oktyabr kúni institutımızǵa kelip, joybar sheńberinde ámelge asırılǵan isler menen tanıstı.
  Miymanlardı dáslep oqıw isleri boyınsha prorektor N.Absattarov kútıp alıp, Geografiyalıq maǵlıwmatlar orayı laboratoriyası iskerligi menen tanıstırdı. Laboratoriyada ámelge asırılıp atırǵan ilimiy izertlewler hám keleshektegi rejeler boyınsha 2-basqısh tayanısh doktarant B.Abdikairov maǵlıwmat berip ótti.
  Onnan soń miymanlar Zooinjeneriya fakultetinde Balıqshılıq laboratoriyası menen tanıstırıldı. Laboratoriyada házirǵi kunde ámelge asırılıp atırǵan ilimiy izertlewler boyınsha 3-basqısh tayanısh doktarantlar A.Xalqnazarova, A.Joldasbaev hám assistent G.Nurabullaevalar tolıq maǵlıwmat berip ótti.
  Miymanlar institutımızda GIZ xalıq aralıq sheriklik jámiyetiniń joybarları qollap-quwatlawında erisilgen dáslepki natijelerden tolıq qanaatlanǵanlıǵı hám de keleshekte joqarı kórsetkishlerge erisiwge isenim bildirip, institutımız jámáátıne óz minnetdarshılıǵın bildirdi.