Qaraqalpaqstan awıl xojalıǵı hám agrotexnologiyalar institutı Agrotexnologiya hám toǵayshılıq fakultetinde institut Jaslar máseleleri, ruwxıylıq aǵartıwshılıq isleri boyınsha birinshi prorektor R.Ibragimova, dekan orınbasarı B.Jumashev, tyutorlar P.Dlanova, A.Reypova, R.Usenova, A.Qurbanova, N.Orazbaevlar tárepinen “Jawızlıqqa qarsı aǵartıwshılıq” atamasındaǵı ilaj ótkerildi. Onda Ózbekstan Respublikası Din isleri boyınsha komitetiniń QR aymaqlıq basqarması bas qánigesi N.Jamalov, Muhammed Baxiy iyshan meshiti imam nayıbı Í.Kóshenov, Nókis qalalıq 4-san Ishki isler bólimi hayal-qızlar máseleleri boyınsha aǵa inspektorı, aǵa leytenant M.Narımbetovalar miymanda boldı.
  Bunday ilajlardı ótkeriwden tiykarǵı maqset jaslarda túrlı aǵımlarǵa qarsı ideologiyalıq immunitetti qáliplestiriw, studentlerde watansúyiwshilik, insanıylıq, tınıshlıq hám doslıq sıyaqlı kónlikpelerdi hám de búgingi tınısh turmısımızǵa shúkirshilik, erteńgi jas áwladtan úmit sezimlerin payda etiw. Ushırasıwda sózge shıqqanlar ayırım puqaralarımızdıń bilip-bilmey qáwipli jollarǵa kirip qalıp atırǵanlıǵı hám bunıń ayanıshlı aqıbetleri haqqında óz pikirlerin bayan etti. Ushırasıw sońında studentler hám qatnasıwshılar tárepinen berilgen sorawlarǵa taraw qanigeleri tárepinen tiyisli juwaplar berildi.