Institutımiz  komandaları «Bes baslama olimpiadası» sheńberinde voleybol boyınsha joqarı orınlardı iyeledi

   Xabarıńız bar, Ózbekstan Respublikası Joqarı bilimlendiriw, ilim hám innovaciyalar ministrligi hám de Ózbekstan Respublikası Sport ministrligi, Ózbekstan Respublikası Jaslar isleri agentligi tárepinen «Bes baslama olimpiadası» sheńberinde joqarı oqıw orınları studentleri arasında ǵalabalıq sport jarısların ótkeriw tártibi boyınsha qospa reje tastıyıqlanǵan edi.

   Usı múnásibet penen «Bes baslama olimpiadası» rejesine muwapıq voleybol sport túri boyınsha Qaraqalpaqstan Respublikasındaǵı joqarı oqıw orınları studentleri arasında (aymaqlıq) 3-basqıshı bolıp ótti.

   Ótkerilgen jarısta inistitutimiz  komandası óz qarsılas komandalarınan bir qansha ústin kelip, sıylı 3-orındı iyeledi.Bunda er ballar ortasında:
1-orındı QMU
2-orındı NMPI
3-orındı QAXAI komandaları.
Al qiz ballar ortasında:
1-orındı ÓzMDTS Nókis filialı
2-orındı NMPI
3-orındı QAXAI komandaları iyeledi.

   Sportshılarımızdı qolǵa kirgizgen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz. Voleybolshılardı jarısqa trenerler R.Kazakov, Z.Allanazarov, A.Xannazarov hám A.Esimbetovlar tayarladı.