Xabarıńız bar, Ózbekstan Respublikası Prezidentiniń 2024-jıl 16-oktyabrdegi “Professional bilimlendiriwde maman kadrlar tayarlaw sistemasın bunnan jánede jetilistiriw hám xalıqaralıq bilimlendiriw baǵdarlamaların engiziw ilajları haqqında”ǵı PP-158-sanlı Pármanınıń orınlanıwın shólkemlestiriw, sonday-aq, professional bilimlendiriw tarawında institucionallıq pútinlikti támiyinlew jáne ishki hám sırtqı miynet bazarı talaplarına say túrde kadrlar tayarlaw maqseti qoyılǵan edi. Usıǵan tiykarlana Qaraqalpaqstan awıl xojalıǵı hám agrotexnologiyalar institutı rektorı B.Jollıbekov hám  institutımız jámáátinen dúzilgen isshi topar aǵzaları birgelikte Xojeli rayonı 2-sanlı politexnikumi, Kegeyli agrotexnologiyalar texnikumi, Kegeyli rayon 2-sanlı politexnikumlarında boldı. Hám bul orınlardaǵı búgingi jaǵday, bar bolǵan qánigelikler, hám sol aymaqtaǵı jańadan qurılıp atırǵan mekemelerdi úyrenip shıqtı. Bunnan soń aldaǵı jumıslarda birge islesiw hám sol orındaǵı pedagog kadrlardıń ilimiy sawatqanlıǵın elede asırıw boyınsha jol kartası islew haqqında kelisip alındı.