Qaraqalpaqstan joqarı oqıw orınları delegaciyası Koreyada konferenciyada qatnaspaqta.

  
  Qaraqalpaqstan awıl xojalıǵı hám agrotexnologiyalar institutı rektorı B.Jollıbekov Koreyada ótkerilip atırılǵan IRIC 2024 (Xalıq aralıq R&D sanaat) konferenciyasına qatnaspaqta. Koreyaǵa sapar dawamında Younsei universiteti vice prezidenti Lee Won-Yong menen birge islesiw boyınsha ushırasıw ótkerildi. Ushırasıwda eki tárepleme akademiyalıq birge islesiw, student almasıw, ilimiy kollaboraciya sıyaqlı baǵdarlar boyınsha pikirler alısıldı.
   Maǵlıwmat ushın, Younsei universiteti QS reyting agentligi tárepinen 2025-jıl ushın járiyalanǵan Dúnya júzlik reytingte  56-orındı iyelegen.
    Bunday universitetler menen birge islesiw, professor-oqıtıwshılarımızdıń tájiriybe arttırıwı, studentlerimizdiń magistratura hám doktoranturaǵa kiriwi keleshekte elimizde ilim hám texnologiyanıń rawajlanıwına sebepshi boladı.
   Sonıń menen birge, sapar dawamında Qaraqalpaqstan awıl xojalıǵı hám agrotexnologiyalar institutı rektorı B.Jollıbekov, Qaraqalpaq mámleketlik universiteti rektorı, akademik A.Reymov hám prorektorı I.Turdımambetovlar joqarı oqıw orınlarına investiciya kiritiw boyınsha koreyalı sherikler menen ushırasıwlar ótkermekte.