Qaraqalpaqstan awıl xojalıǵı hám agrotexnologiyalar institutımızda ASHÍQ ESIKLER KÚNI ótkerildi. “9-dekabr Xalıqaralıq korrupciyaǵa qarsı gúresiw” kúnine baǵıshlanıp, Aksilkorrupciya aylıǵın joqarı kóterińki keypiyatta ótkeriw maqsetinde Institutta Aksilkorrupciya aylıǵı sheńberinde 2024-jıl 2-dekabr kúni tiyisli taraw qánigeleri menen “KORRUPCIYASÍZ KELESHEK” atamasında hám “MÁPLER SOQLÍǴÍSÍWÍ HAQQÍNDAǴÍ” jańa nızamınıń mazmun-mánisin túsindiriw maqsetinde “ASHÍQ ESIKLER KÚNI” ilaji Málimleme-resurs orayında ótkerildi.

    
  Ushırasıwdı Qaraqalpaqstan awıl xojalıǵı hám agrotexnologiyalar institutınıń Jaslar máseleleri hám ruwxıy-aǵartıwshılıq isleri boyınsha birinshi prorektorı R.Ibragimova ashıp berdi hám basqarıp bardı. Ótkerilgen ilajǵa Nókis rayonlar aralıq ekonomikalıq sudı baslıǵı S.Niyazov, Qaraqalpaqstan Respublikası Ádillik Ministrliginiń sektor baslıǵı N.Berdiniyazova, basshı xızmetkerler hám professor-oqıtıwshılar, student-jaslar, qatnastı. Ushırasıwda Jaslar máseleleri hám ruwxıy-aǵartıwshılıq isleri boyınsha birinshi prorektorı R.Ibragimova, Nókis rayonlar aralıq ekonomikalıq sudı baslıǵı S.Niyazov, Qaraqalpaqstan Respublikası Ádillik Ministrliginiń sektor baslıǵı N.Berdiniyazovalar sózge shıǵıp; Korrupciyaǵa qarsı qaratılǵan jámiyetshilik qadaǵalawınıń jańa instituciyalıq dúzilmelerin rawajlandırıw hámde shólkemlestiriw-huqıqıy shárt-shárayatlardı jaratıw demokratiyalıq mámleketler ushın strategiyalıq áhmiyetke iye bolmaqta. Óytkeni, Ózbekstan Respublikası Prezidenti Sh.M.Mirziyoyev óz bayanatında “Konstituciya hám nızam ústinligine erisiwde jámiyetshilik qadaǵalawınan basqa nátiyjeli qural joq. Haqıyqattan da, xalqımız nızam buzılıwına qarsı qattı turmas eken, mámleketlik uyımlar, lawazımlı shaxslar qanshalıq urınbasın, nızam ústinligin támiyinlew qıyın boladı” degen edi. Mámleketimizde ótken dáwir dawamında “Korrupciyaǵa qarsı gúresiw haqqında”ǵı Nızamı qabıl etiliwi puqaralıq jámiyeti institutları iskerliginiń sociallasıwın hámde korrupciyaǵa qarsı gúresiw hám onıń aldın alıwdaǵı qatnasıqlarınıń jańa basqıshın baslap berdi. Mámleketlik organlardıń iskerliginde “ashıqlıq” hám “aydınlıq” principlerin támiyinlew, mámleketlik xızmetkerlerge bolǵan isenimdi kúsheyttiriwge qaratılǵan sistemalı reformalar ámelge asırıp kelinbekte. Ózbekstan Respublikasınıń 2024-jıl 5-iyun kúngi “Mápler soqlıǵısıwı” haqqında ÓRN-931-sanlı Nızamı usı jılı 6-dekabr kúninen baslap engiziliwi haqqında jıynalǵan májilis qatnasıwshılarına usı nızamnıń mazmun-mánisi túsindirip ótildi. Ushrasıw dawamında bólim xızmetkerleri, professor-oqıtıwshılar hám student-jaslar tárepinen berilgen sorawlarǵa tiyisli taraw qánigeler tárepinen juwaplar berildi.