Qaraqalpaqstan awıl xojalıǵı hám agrotexnologiyalar institutımızdıń belsendi jamááti múnásip xoshametlendi

   Nókis qalası orayındaǵı «Xalıqlar doslıǵı» maydanında ornatılǵan jańa jıl shırshası átirapında Qaraqalpaqstan awıl xojalıǵı hám agrotexnologiyalar institutı tárepinen 2024-jıldaǵı qolǵa kiritilgen nátijeler, kókrek belgisi iyeleri hám stipendiatlar jeńimpazların sıylıqlaw máresimi bolıp ótti.

   Ilajda Qaraqalpaqstan awıl xojalıǵı hám agrotexnologiyalar institutı jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova qatnasıp, institutımızdıń bir qatar professor oqıtıwshıları hám student-jaslardı jańa jıl bayramı hám búgingi qolǵa kirgizgen tabısları menen qutlıqlap, mámleketimiz tárepinen berilip atırǵan keń imkaniyatlardı ayrıqsha atap ótti.

  Sonday-aq, bul imkaniyatlardan aqılǵa say paydalanıw, óz ústinde turaqlı islesiw hám keleshekte elimızdıń rawajlanıwı jolında pidákerlik penen xızmet etiw zárúr ekenligin aytıp ótti.