Qaraqalpaqstan awıl xojalıǵı hám agrotexnologiyalar institutında attestaciyalıq komissiyasınıń baslıǵı menen ushırasıw bolıp ótti

 Usı jıldıń 14-yanvar kúni Qaraqalpaqstan awıl xojalıǵı hám agrotexnologiyalar institutı málimleme resurs orayında Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı Attestaciya komissiyası baslıǵı A.Yusupov penen institutı janındaǵı ilimiy dárejeler beriwshi ilimiy keńes aǵzaları hám xatkerleri, tayanısh doktorantlar, erkin izleniwshiler menen ushırasıw bolıp ótti.

 Usharasıwdı Qaraqalpaqstan awıl xojalıǵı hám agrotexnologiyalar institutı  rektorı B.B Jollibekov ashıp berdi hám basqarıp bardı. Usharasıwda Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı Attestaciya komissiyası baslıǵı A.Yusupov shıǵıp sóylep, búgingi kúnde ilimiy tarawda ámelge asırılıp atırǵan barlıq reformalar, is-ilajlar hám olardıń nátiyjeleri haqqında keńnen toqtalıp ótti.

  Izleniwshiler menen ashıq sáwbetlesiw tárizinde ótken ushırasıwda atap ótilgenindey, sońǵı jıllarda mámleketimizde, sonıń ishinde, Qaraqalpaqstanda ilimdi rawajlandırıw, ilimiy izleniw alıp barıw niyetinde bolǵan jaslardı hár tárepleme qollap-quwatlaw baǵdarında Prezidentimiz basshılıǵında alıp barılıp atırǵan jumıslardıń áhmiyeti jáne nátiyjeleri úlken bolmaqta. 

  Qaraqalpaqstandaǵı joqarı oqıw orınları menen ilimiy-izertlew oraylarında 18 ilimiy keńestiń jumıs alıp barıp atırǵanın atap ótip, ilimiy izleniwshiler menen ashıq túrde sáwbetlesip, olardıń mashqalaların úyrenip, pikir-usınısların tıńlaw niyetinde ekenligin málim etti.

 Ushırasıw dawamında qatnasıwshılar ózlerin oylandırıp júrgen kóplep sorawlarǵa anıq juwaplar aldı hám óz usınısların bildirdi.