Joqarı bilimlendiriw sistemasında “Registrator ofisi”tıń tiykarǵı wazıypaları

   Bilimlendiriw tarawın sanlastırıw áhmietli máselelerden biri. Mámleketimiz basshısı óz shıǵıp sóylewlerinde joqarı bilimlendiriw sistemasın eń sońǵı texnologiyalar menen támiyinlew hám sanlastırıw procesin jedellestiriw ilim jetiskenliklerin integraciyalawdıń áhmietli shártlerinen biri ekenin atap ótken edi. Usı múnásibet penen Joqarı bilimlendiriw, ilim hám innovaciyalar ministrliginiń tiyisli qararına muwapıq 2024/2025-oqıw jılınan baslap joqarı bilimlendiriw sistemasında “Registrator ofisi” jumısı jolǵa qoyıldı.

   “Registrator ofisi”niń tiykarǵı wazıypaları studentlerdiń oqıw iskerligin esapqa alıw hám qadaǵalawdı rejelestiriw hám shólkemlestiriwden ibarat bolıp, oǵan qánigelikler hám kurslar boyınsha studentlerdiń birlemshi maǵlıwmatlar bazasın dúziw, qánigelikler boyınsha oqıw kurslarına studentlerdi dizimge alıwdı shólkemlestiriw hám ótkeriw, studentlerdiń oqıw iskerliginiń barlıq tárepleri boyınsha esabatlardı dúziw, studentler kontingentiniń háreketin esapqa alıw hám basqalar kiredi.