Samarqandta agrar bilimlendiriw hám ilimiy birge islesiw boyınsha xalıqaralıq ilaj ótkerildi.

 Samarqand agroinnovaciyalar hám izertlewler institutında “Agrar tarawdaǵı joqarı bilimlendiriw hám ilimiy-izertlew mekemelerinde xalıqaralıq birge islesiwdi rawajlandırıw” atamasında ilaj bolıp ótti. Onda Awıl xojalıǵı ministrligi sistemasındaǵı joqarı oqıw orınları, ilimiy-izertlew institutları hám sırt el shólkemleriniń wákilleri qatnastı.

 Ilaj xalıqaralıq birge islesiwdi keńeytiw, awıl xojalıǵı innovaciyaları hám ilimdi rawajlandırıwǵa qaratılǵan. Sonday-aq, klimat ózgeriwi, azıq-awqat qáwipsizligi hám turaqlı rawajlanıw máseleleri dodalandı.

 Ilajda Qaraqalpaqstan awıl xojalıǵı hám agrotexnologiyalar institutınıń rektorı B.Jollibekov basshılıǵındaǵı delegaciya da qatnastı. Ilaj sheńberinde xalıqaralıq ilimiy hám bilimlendiriw joybarları boyınsha birge islesiw máseleleri de kórip shıǵıldı. Bul bolsa awıl xojalıǵı tarawındaǵı turaqlı rawajlanıwdı támiyinleydi.