Ekologiya-bul sóz búgingi kúnde bul sóz tek ǵana biziń aymaǵımızda emes pútkil dúnya júzinde keń túrde ǵalaba xabar quralları arqalı qollanılmaqta desek aljaspaǵan bolamız.

 Usı tiykarda Qaraqalpaqstan awıl xojalıǵı hám agrotexnologiyalar institutında bir qansha jumıslar ámelge asırılmaqta. Bulardıń ayqın dálili sıpatında Zooinjeneriya fakulteti 4-basqısh Ekologiya hám qorshaǵan ortalıqtı qorǵaw tálim baǵdarı studenti Nurullaev Fayzulla óz ustazları menen birgelikte “Qaraqalpaqstannıń ekstremal sharayatlarında zamanagóy jamǵırlatıp suwǵarıw úskeneleri járdeminde júweri jetistiriwdiń suwǵarıw rejimin ilimiy tiykarlaw” atamasındaǵı ámeliy joybarı boyınsha bir qansha izleniwler alıp barmaqta.

 Hár bir ilimge tiykarlanǵan is óz nátiyjesin kórsetiwi tábiyǵıy. Fayzulla 2023-jıl 13-yanvarda bolıp ótken “Aldınǵı izertlewler ilimiy orayı”nıń shólkemlestirilgen xalıqaralıq ilimiy-ámeliy kórik tańlawına usınılǵan ilimiy jumıslarıńız ilimiy keńes tárepinen kórip shıǵılıp, bir dawıstan maqullandı. Bul tańlaw juwmaǵında “Ilim-pán maqtanıshı” estelik kókirek belgisi menen jáne Respublika kóleminde Oliygoh.uz tálim platformasında shólkemlestirilgen “Diagnostik imtixan 2023” joybarında qatnasıp, joqarı nátiyjelerge erisip, sertifikatlar menen sıylıqlanǵan.

 Student jaslarımız hám olardıń ustazları alıp barıp atırǵan izertlewler átirap ortalıqtı jaqsılap ǵana qoymastan keleshekte jas ilimpazlarımız bolatuǵın student jaslardıń ekologiya hám qorshaǵan ortalıq haqqındaǵı bilim hám kónlikpelerin bekkemlewi sózsiz