2025-jıl 6-8-iyul kúnleri Qazaqstan Respublikası Almatı qalasında “Alliance”ǵa aǵza mámleketler awıl xojalıǵı universitetleri rektorlarınıń 4-forumı hám Jipek jolı Awıl xojalıǵı bilimlendiriwi hám ilimiy-izertlew innovaciyaları alyansınıń 10 jıllıq yubileyine baǵıshlanǵan xalıqaralıq konferenciya bolıp ótti.

 Bul saltanatlı ilajda instituttıń Jaslar máseleleri hám ruwxıy-aǵartıwshılıq isleri boyınsha birinshi prorektorı M.Davletmuratov qatnastı.

 Forumda 40 qa jaqın mámleketten 120 dan aslam qatnasıwshı qatnasıp, awıl xojalıǵı tarawında bilimlendiriw, ilimiy-izertlew jumısların hám innovaciyalardı rawajlandırıw, sonday-aq, xalıqaralıq birge islesiwdi bekkemlew máseleleri boyınsha pikir alıstı.

 Ilaj sheńberinde M.Davletmuratov sırt el joqarı bilimlendiriw mákemeleriniń wákilleri menen óz-ara pikir alıstı. Sáwbetlerde, ásirese, awıl xojalıǵı baǵdarında joqarı tájiriybeli kadrlar tayarlaw, oqıw baǵdarlamaların modernizaciyalaw hám xalıqaralıq tájiriybe tiykarında bilimlendiriwdiń sapasın arttırıw baǵdarındaǵı máseleler dodalandı. Ushırasıwlar doslıq hám birge islesiw ruwxında ótti.