2025/2026-oqıw jılı ushın bakalavriatqa kiriw imtixanlarında 56,7 hám onnan joqarı ball toplaǵan, biraq studentlikke usınıs etilmegen, sonıń ishinde dizimnen ótiwdiń ekinshi basqıshında joqarı bilimlendiriw shólkemi hám bakalavriat tálim baǵdarların tańlamaǵan abiturientler vakant orınlar qalǵan bakalavriat tálim baǵdarlarına tańlawda qatnasıwı múmkin.

 Dizimnen ótiw múddeti:
 2025-jıl 25-sentyabrden 3-oktyabrge shekem (usı kúni de).

 Tańlawda qatnasıw tártibi:

 Abiturientler “my.uzbmb.uz” jeke kabineti arqalı dizimnen ótedi.

 Test tapsırǵan pánler kompleksi hám bilimlendiriw tiline sáykes baǵdarlardan 5 ke shekem joqarı bilimlendiriw mákemesi hám bilimlendiriw baǵdarın (bilimlendiriw túri menen birge) tańlaw imkaniyatı bar.

 Dizimnen ótken abiturientler toplaǵan balları izbe-izligine qatań ámel etken halda vakant orınlarǵa bazalıq tólemli-kontrakt tiykarında studentlikke usınıs etiledi.

 Tańlaw nátiyjeleri 2025-jıl 8-oktyabrge shekem járiyalanadı.