Qaraqalpaqstan awıl xojalıǵı hám agrotexnologiyalar institutı studentleri sport jarısında joqarı nátiyjelerge eristi.
🏓Qaraqalpaqstan Respublikası joqarı oqıw orınları arasında ótkerilgen «Jańa Ózbekstan studentler olimpiadası» sheńberindegi sport jarıslarınıń stol tennisi túri boyınsha Qaraqalpaqstan awıl xojalıǵı hám agrotexnologiyalar institutı komandası múnásip qatnasıp, joqarı sheberlik, kúshli erik hám jámáátlik awızbirshilik úlgisin kórsetti hám ulıwma komandalıq esapta sıylı II orındı iyeledi. Jarıs juwmaǵında jeńimpazlar hám bayraqlı orın ieleri Qaraqalpaqstan Respublikası sport ministri E.Qutıbaev tárepinen II dárejeli diplom, medallar hám estelik sawǵaları menen sıylıqlandı. Sonday-aq, jarıstıń jeke bellesiwlerinde institut studenti Atabek Esenbekov joqarı sport sheberligi hám belsendiligi menen kózge túsip, sıylı II orındı iyeledi. Juplıq bellesiwlerde bolsa Nurullo Egamberdiev hám Zuhra Baxitova óz-ara awızbirshilik hám professional tayarlıq kórsetip, sıylı II orındı qolǵa kirgizdi. Bul jetiskenlik institutta jaslardı sportqa keńnen tartıw, salamat turmıs tárizin násiyatlaw, studentlerdiń fizikalıq potencialı hám ruwxıy jetikligin asırıw baǵdarında ámelge asırılıp atırǵan sistemalı islerdiń nátiyjesi bolıp tabıladı. Bul jetiskenlik institutda jaslardı sportqa keńnen tartıw, salamat turmıs tárizin násiyatlaw, studentlerdiń fizikalıq potencialı hám ruwxıy jetikligin arttırıw baǵdarında ámelge asırılıp atırǵan sistemalı jumıslardıń nátiyjesi ekenligi menen áhmiyetli.
Qaraqalpaqstan awıl xojalıǵı hám agrotexnologiyalar instituti basshılıǵı hám keń jámiyetshiligi bul tabısqa múnásip úles qosqan, studentlerdi joqarı dárejede tayarlaǵan ustaz-trenerler — Z.Allaniyazov shın kewilden minnetdarshılıq bildiredi.
Institutda uqıplı jaslardı qollap-quwatlaw, olardıń sport tarawındaǵı jetiskenliklerin xoshametlew hám de respublikalıq, xalıqaralıq jarıslarda múnásip qatnasıwın támiyinlewge qaratılǵan jumıslar izbe-iz dawam ettirilmekte.
