“Basshı hám jaslar” ushırasıwı bolıp ótti

    Qaraqalpaqstan awıl xojalıǵı hám agrotexnologiyalar institutı Agrotexnologiya fakultetinde student-jaslar menen “Basshı hám jaslar” ushırasıwı bolıp ótti.
    Onda Agrotexnologiya fakulteti dekanı I.Aytimov, Jaslar menen islesiw ruwxıylıq hám aǵartıwshılıq bólimi baslıǵı M.Tlegenov, fakultet dekan orınbasarı B.Jumashov, tyutorlar hám student-jasları qatnastı.

    Ushırasıwdı instituttıń jaslar máseleleri hám ruwxıy-aǵartıwshılıq bólimi baslıǵı M.Tlegenov alıp bardı. Ashıq hám qızǵın sóylesiw dawamında jaslardıń bilimlendiriw procesi, salamat turmıs tárizi, sociallıq sharayatları, huqıqıy bilimlerin arttırıw hám keleshektegi rejelerine baylanıslı pikir hám usınısları tıńlandı.
    Sonday-aq, student-jaslardı hár tárepleme qollap-quwatlaw, olardıń baslamaların xoshametlew, bilim hám potencialın júzege shıǵarıw ushın bar imkaniyatlardan nátiyjeli paydalanıw boyınsha pikir alısıldı.
    Ushırasıw juwmaǵında studentler tárepinen bildirilgen usınıs hám mashqalalar hár tárepleme dodalanıp, olardı sheshiw, jaslardıń múrájat hám baslamaların qollap-quwatlaw hám alǵa qoyılǵan usınıslardı ámeliyatqa engiziw boyınsha juwapkerlerge tiyisli wazıypalar belgilep alındı.

    Bul sóylesiw jaslardıń óz pikir hám baslamaların tikkeley basshılarǵa jetkeriwi hám olardı qıynap atırǵan máselelerge ámeliy sheshim izlew ushın áhmiyetli qarım-qatnas maydanı boladı.