Ijara úylerindegi studentlerdiń sociallıq jaǵdayın úyreniw jumısları alıp barılmaqta
Ijara xanalarında qáwipsizlik qaǵıydalarına ámel etiw, órt hám ayrıqsha jaǵdaylardıń, záhárli gazden zıyanlanıwdıń aldın alıw boyınsha keń kólemli úgit-násiyat jumısları alıp barılmaqta.
Bul baǵdardaǵı jumıslardı úgit-násiyatlaw maqsetinde Agrotexnologiya fakulteti dekan orınbasarı B.Jumashov fakutet tyutorları menen birgelikte talabalar ijaralarınan xabar aldı hám olardıń jasaw shárayatların úyrenip shıqtı. Xananıń tazalıǵı, tártip-intizam hám ulıwma gigienalıq talaplarǵa qatań ámel etiw kerekligin aytıp ótti. Jasap turǵan orındaǵı tınıshlıqtı buzbaw, jámáát tártibin saqlawǵa hámme waqıt itibarlı bolıwdı eskertip ótti.
Sonday-aq, insan ushın eń biybaha baylıq bul- onıń den sawlıǵı. Onı asraw hár bir insan ushın amanat qılıp berilgen narkotik zatlardı qabıl etiw insan ómirine qáwip salıwshı qural ekenligi hám onı tarqatqanlıq boyınsha jaza bar ekenligi atap ótildi.
