Xalıqaralıq sheriklik hám jańa imkaniyatlar

🔘Búgin Qaraqalpaqstan awıl xojalıǵı hám agrotexnologiyalar institutına Yaponiyanıń “Amino Up Co., Ltd.” kompaniyasınıń wákili, PhD Hajime Fujii keldi. Sapar sheńberinde institut rektorı M.M. Dauletmuratov, ilimiy isler hám innovaciyalar boyınsha prorektor Sh.Akmalov, «Agroximiya hám topıraqtanıw» kafedrası baslıǵı Xalmuratova Baxitgul hám instituttıń juwapker xızmetkerleriniń qatnasıwında ushırasıw bolıp ótti.

🔘Ushırasıwda Qaraqalpaqstan awıl xojalıǵı hám agrotexnologiyalar institutı hám Yaponiyanıń “Amino Up Co., Ltd.” kompaniyası arasında awıl xojalıǵında innovaciyalıq biologiyalıq qurallardı sınaqtan ótkeriw, qospa ilimiy izertlewler alıp barıw hám studentlerdiń ámeliyatın shólkemlestiriw boyınsha birge islesiw perspektivaları dodalandı.

🔘Sonday-aq, awıl xojalıǵında zamanagóy agrotexnologiyalardı engiziw, ósimliklerdiń rawajlanıwın qollap-quwatlawshı biologiyalıq qurallardı jergilikli topıraq-ıqlım sharayatında úyreniw, ilimiy-izertlew jumısın rawajlandırıw hám xalıqaralıq birge islesiwdi bekkemlew máselelerine ayrıqsha itibar qaratıldı.