QARAQALPAQSTAN AWÍL XOJALÍǴÍ HÁM AGROTEXNOLOGIYALAR INSTITUTÍNDA XALIQARALIQ ILIMIY-ÁMELIY KONFERENCIYA ÓTKERILDI
✅Búgin Qaraqalpaqstan awıl xojalıǵı hám agrotexnologiyalar institutı “Aralboyı aymaǵında suwdan paydalanıw nátiyjeliligi hám shorlanıwdıń awıl xojalıǵı eginleri ónimdarlıǵı hámde xalıqtıń turmıs iskerligine tásirin monitoring hám qadaǵalaw ushın klimatqa shıdamlı innovaciyalıq texnologiyalardı islep shıǵıw” atamasındaǵı ilimiy-ámeliy konfereciya bolıp ótti. Bul konferenciyada respublikamızdıń bir qatar joqarı bilimlendiriw mákemeleri, ilimiy-izertlew oraylarınıń ilimpazları, qánigeleri hám magistrantlar qatnastı.
✅Dáslep, Qaraqalpaqstan awıl xojalıǵı hám agrotexnologiyalar institutı rektorı M.M. Dauletmuratov kiris sóz benen ashıp berdi hám konferenciya jumısına tabıslar tiledi. Institut rektorı M.M. Dauletmuratov óziniń kiris sózinde konferenciya qatnasıwshıların qızǵın qutlıqlap, Aralboyı aymaǵında suw resurslarınan nátiyjeli paydalanıw, topıraq shorlanıwınıń aldın alıw hám awıl xojalıǵı eginleriniń zúráátliligin arttırıw búgingi kúnniń áhmiyetli máselelerinen biri ekenin atap ótti.
“Búgingi kúnde klimat ózgeriwi, suw resurslarınıń jetispewshiligi hám topıraqtıń shorlanıwı Aralboyı regionında awıl xojalıǵın turaqlı rawajlandırıw jolında áhmiyetli wazıypalardı júzege keltirmekte. Bul mashqalalardı ilimiy tiykarda úyreniw, zamanagóy hám klimatqa shıdamlı innovaciyalıq texnologiyalardı islep shıǵıw jáne olardı ámeliyatqa engiziw ayrıqsha áhmiyetke iye. Usı mánide, búgingi ilimiy-ámeliy konferenciya ilimpazlar, qánigeler hám jas izertlewshiler arasında tájiriybe almasıw, jańa ilimiy ideyalardı alǵa qoyıw hám nátiyjeli sheshimlerdi islep shıǵıw ushın áhmiyetli maydan esaplanadı. Konferenciya dawamında bildiriletuǵın usınıslar hám Aralboyı aymaǵınıń ekologiyalıq turaqlılıǵın támiyinlew, suw hám jer resurslarınan aqılǵa uǵras paydalanıw jáne awıl xojalıǵı nátiyjeliligin arttırıwǵa múnásip úles qosatuǵınına isenemen,” — dedi rektor M.M. Dauletmuratov.
✅Bunnan soń, konferenciya óz jumısın ilimiy bayanatlar hám dodalawlar menen dawam ettirdi. Onda Aralboyı aymaǵında suw resurslarınan aqılǵa uǵras hám nátiyjeli paydalanıw, topıraq shorlanıwınıń aldın alıw, awıl xojalıǵı eginleriniń ónimdarlıǵın arttırıw jáne klimat ózgeriwiniń awıl xojalıǵı hám xalıqtıń turmıs tárizine tásirin azaytıw máselelerine ayrıqsha itibar qaratıldı.Konferenciyada tómende atı kórsetilgen rektor, mákeme baslıqları, ilimiy-izertlew institutı basshıları, professor-oqıtıwshılar, sırt el qatnasıwshılarına qutlıqlaw ushın sóz berildi:
Dauletmuratov Muxamedali Mirzamuratovich – Qaraqalpaqstan awıl xojalıǵı hám agrotexnologiyalar institutı rektorı, a.x.i.f.d., docent.
Najimitdinov Jalol Nuriddinovich – Buxara shól jaylaw azıqlıq ósimlikler tuqımgershiligi ilimiy óndirislik orayı laboratoriya baslıǵı, b.i.k.
Nagimetov Oraxbay Nagimetovich – Qaraqalpaqstan diyqanshılıq ilimiy-izertlew institutı direktorı másláhátshisi, a.x.i.k., a.i.x.
Sadikov Esbosın Polatovich – Dán hám Salı ilimiy óndirislik birlespesiniń direktor orınbasarı, a.x.i.k., a.i.x.
Xiaohui Pan – Qıtay Pánler Akademiyası Shinjon Ekologiya institutı professorı.
Dr.Catalin STEFAN – Dresdan texnika universiteti professorı.
Kurbanbaev Sagit Erejepovich – Irrigaciya hám suw mashqalaları ilimiy-izertlew institutı janındaǵı Qaraqalpaqstan aymaqlıq oray direktorı.
Konferenciyanıń ulıwma jıynalısına bayanatshı sıpatında qatnasıwshılar:
Djumanazarova Altin Tengelovna Qaraqalpaqstan awıl xojalıǵı hám agrotexnologiyalar institutınıń “Suw hám jer sistemaları” kafedrası baslıǵı, t.i.k., docent hám Tleubergenov Erkinbay Baxıtbaevich “Suw hám jer sistemaları” kafedrasi doktorantı, “Sho‘rlangan tuproqlar sharoitida makkajo‘xori yetishtirishda sug‘orish usullarining o‘sib rivojlanishiga ta’siri”.
Kurbanbaev Sagit Erejepovich t.i.k.,“Irrigaciya hám suw mashqalaları ilimiy izertlew institutı janındaǵı Qaraqalpaqstan aymaqlıq orayı” direktorı, “Paxta egiwde diskret suwǵarıw usılınan paydalanıw nátiyjeleri”;
Yuna AOYAMA JICA volontyorı, Tokio awıl xojalıǵı hám texnologiyalar universiteti, qurǵaqshıl jerler awıl xojalıǵı laboratoriyası doktorantı hám Marin NAGAI JICA volontyorı, Chiba universiteti Baǵdarshılıq kafedrası 2-basqısh magistrantı, “Qaraqalpaqstanda suwdı tejeytuǵın texnologiyalardı engiziwge járdemlesiw”;
Tutqıshbay Ibragim Asqar ulı M.Awezov atındaǵı “Veterinarlıq medicina” kafedrasi docent, v.i.k., “Bilim beriw, sırtqı akademiyalıq utqırlıq jáne kollaboraciyalıq almasıw”;
Oteuliev Jaksilik Begdullaevich Berdaq atındaǵı QMU “Ekologiya hám topıraqtanıw” kafedrası docenti, a.x.f.d., docent, “O‘rtacha sho‘rlangan o‘tloqi-allyuvial tuproqlar donadorligiga va kuzgi bug‘doyning xosildorligiga yomg‘irlatib sug‘orish tartiblarining ta’siri” atamalarında prezentaciya hám bayanatlar esittirildi.
