“Jaslar – millet kelesheginiń sheshiwshi kúshi” atamasında motivaciyalıq ushırasıw – interaktiv trening-seminar shólkemlestirildi

Usı jıldıń 9-noyabr kúni Qaraqalpaqstan awıl xojalıǵı hám agrotexnologiyalar institutında óz tarawında úlken turmıslıq hám kásiplik tájiriybe toplaǵan, jámiyette múnásip abırayǵa iye bolǵan miymanlar – Ózbekstan veteranların sociallıq qollap-quwatlaw “Nuraniy” qorı Qaraqalpaqstan Respublikası bóliminiń baslıǵı T.Abdijabbarov, Ózbekstan Xalıq demokratiyalıq partiyası Qaraqalpaqstan Respublikası Keńesiniń baslıǵı X.B.Eshimbetov, Dán hám salı ilimiy óndirislik birlespesiniń direktorı D.U.Utambetov, sonday-aq, instituttıń oqıw isleri boyınsha prorektorı T.Q.Naurızov, isbilermenler hám student jaslar qatnastı.

Ushırasıw dawamında Prezidentimizdiń shıǵıp sóylegen sózinde jaslarǵa qaratılǵan ideyalar – olarǵa jaratılıp atırǵan keń imkaniyatlar, mámlekettiń rawajlanıwındaǵı ornı, zamanagóy bilim hám kásip iyelewdiń áhmiyeti tolıq sáwlelendirildi. Miymanlar ózleriniń ómir hám kásiplik jolı mısalında studentlerge ibratlı pikirler bildirip, kekse áwlad tájiriybesi hám milliy qádiriyatlardıń jaslar tárbiyasındaǵı ornı, jaslardıń jámiyetlik turmıstaǵı belsendiligi hám puqaralıq juwapkershiligi, awıl xojalıǵı hám agrar ilim tarawında jaslar ushın ashılıp atırǵan perspektivalar haqqında sóz etti.