Búgin, Qaraqalpaqstan awıl xojalıǵı hám agrotexnologiyalar institutı “Agrotexnologiya” fakulteti dekanı I.Aytimov hám institut Registrator ofisi baslıǵı D.B.Ramazanovlar fakultet student jaslarınıń mashqalaların úyreniw, jaslar hám juwapker basshılar arasında ashıqtan-ashıq sóylesiwdi jolǵa qoyıw maqsetinde “Basshı hám jaslar” ushırasıwın shólkemlestirdi.

Ushırasıw dawamında jaslar arasında huqıqbuzarlıqlardıń aldın alıw, kiberjınayatlardan qorǵanıw, internet hám sociallıq tarmaqlardan durıs paydalanıw, sonday-aq, jaslardıń tártip-intizamı hám minnetlemeleri boyınsha hár tárepleme pikir alısıldı. Fakultet dekanı tárepinen student-jaslarǵa turmıslıq mısallar tiykarında usınıslar berilip, olardı hár qıylı unamsız jaǵdaylardan sergek bolıwǵa shaqırdı.

Sonday-aq, institut Registrator ofisi baslıǵı D.B.Ramazanov tárepinen student-jaslardı isbilermenlik jumısına keńnen tartıw hám bántligin támiyinlew maqsetinde Ózbekstan Respublikası Prezidentiniń 210-sanlı qararı hám “Keleshekke qádem” baǵdarlamasınıń mazmun-mánisi boyınsha studentlerge tolıq túsinik berildi.
shaqırdı.