XX ásir qaraqalpaq ádebiyatınıń bayterekleri

Qaraqalpaqstan awıl xojalıg‘ı hám agrotexnologiyalar institutında qaraqalpaq ádebiyatında óshpes iz qaldırg‘an ullı shayır I.Yusupov hám de ájayıp povestleri, kórkemliligi joqarı romanları, qunlı dramalıq shıǵarmaları, kórkem publicistikaları menen qaraqalpaq ádebiyatın joqarı dárejege alıp shıqqan belgili jazıwshı T. Qayıpbergenovlardıń 92 jasqa tolıwına arnalǵan kórkem ádebiy keshe ótkerildi. Keshede shıǵıp sóylegenler ullı shayır Ibrayim Yusupovtıń poeziya áleminiń jarıq juldızı ekenligin, shayır milliy poeziyamızdı tek ǵana ideyalıq hám tematikalıq jaqtan bayıtıp qoymastan, al óz dóretiwshiligin janrlıq-stillik kóz-qaraslardan rawajlandırǵanlıǵın atap ótti.

Sonday-aq, belgili jazıwshı T.Qayıpbergenov ájayıp povestleri, kórkemliligi joqarı romanları, qunlı dramalıq shıǵarmaları, kórkem publicistikaları menen qaraqalpaq ádebiyatın joqarı dárejege alıp shıqqanlıǵın maqtanısh penen tilge aldı.

«Ózbekstan qaharmanları aramızdan ketse de olardıń dóretken ájayıp shıǵarmaları biziń aramızda máńgi tiri bolıp «ekinshi ómirin» súre beredi».

Keshede mine usınday bahalı pikirlerde orın aldı.
Kórkem ádebiy keshe student jaslardıń shayır hám jazıwshınıń qáleminen dórelgen shıǵarmaları tiykarında tayarlanǵan saxnalıq kórinisleri hám qosıq, ayaq-oyınları menen dawam etti.
Kóterińki keypiyatta ótkerilgen keshe juwmaǵında belsene qatnasqan studentler sıylıqlandı.