2021-jıldıń 19-noyabr kúni Birlesken Milletler Shólkemi Rawajlanıw Dástúriniń Ózbekstandaǵı wákilleri A.S. Mirkushuin hám dástúr ekspertleri Qaraqalpaqstan awıl xojalıǵı hám agrotexnologiyalar institutında xızmet saparında boldı. Miymanlardı institutımız rektorı E.Sh. Toreniyazov hám Ilimiy isler hám innovaciyalar boyınsha prorektor B.B. Jollıbekov kútip aldı hám ushırasıw shólkemlestirildi. Ushırasıw dawamında BMSh Rawajlanıw Dástúriniń “Ózbekstannıń qurǵaqshılıqqa beyim aymaqlarda klimatǵa shıdamlı fermer hám diyqan xojalıqların rawajlandırıw” proekti sheńberinde shólkemlestirilgen Resurs orayı iskerligi menen tanısdı. Bunnan soń, institut ıssıqxanasınıń jaǵdayı menen tanısıp,  ıssıqxana tarawın rawajlandırıw boyınsha birgelikte ámelge asırılatuǵın isler haqqında  kelisip alındı.