Qaraqalpaqstan awıl xojalıǵı hám agrotexnologiyalar institutında «Ózbekstan Respublikası Konstituciyasınıń jigirma toǵız jıllıǵı» bayramına baǵıshlanǵan saltanatlı keshe bolıp ótti. Ilájǵa Qaraqalpaqstan awıl xojalıǵı hám agrotexnologiyalar institutı rektorı E.Sh.Toreniyazov, Qaraqalpaqstan Respublikası Kásiplik awqamı baslıǵı, Oliy Majlis Senatı aǵzası U.Jalmenov, Qaraqalpaqstan Respublikası Prokuraturasınıń aǵa járdemshisi bólim baslıǵı M.Nuratdinov, Qaraqalpaqstan Respublikası sudı sudyası S.Kaipnazarova hám institut professor-oqıtıwshıları qatnastı. Ilájda Ózbekstan Respublikası Konstituciyasınıń
qabıl etiliwiniń tariyxıy áhmiyeti, mámleketlik hám jámiyetlik turmısımızdıń demokratiyalıq rawajlanıw jolların kórsetip beriwshi, milliy huquq sistemasınıń negizin salıwshı Nızam ekenligi, xalıq-aralıq huquqtıń ulıwma tán alınǵan qaǵıydalarına sáykeslenip, ózimizdiń ózgesheliklerimizdi esapqa alıw menen islep shıǵılǵan huquqıy hújjet ekenligi haqqında keń túsinikler berip ótildi

✍️Baspa sóz xızmeti