1-oktyabr – “Ustazlar hám muǵallimler kúni” – eń tásirli bayramlardan biri. Bul jetkinshek ustaz -tárbiyashı miynetin qadirlaytuǵın, húrmet etetuǵın hár bir insannıń bayramı.
Usı bayram mùnàsibeti menen búgin, 2022-jıl 30 -sentyabr kúni Qaraqalpaqstan awıl xojalıǵı hám agrotexnologiyalar institutında ùlken bayram bolıp ótti, hám institutımız rektorı a.x.i.d.prof. E.Sh.Toreniyazov qutlıqlaw sózi menen baslap berdi. Bul bayramda kòp jıllardan beri bilim berip kiytirǵan ustazlarımızdı minnetdarshılıq sózleri menen yadqa aldı , sonıń menen birge, ustazlarǵa iygilikli miynetleri ushın tereń minnetdarshılıq bildirip hám olarǵa keleshekte joqarı dárejedegi bárkámal áwladtı qáliplestiriwde tabıslar tiledi.
Ilaj dawamında pútkil miynet penen jámáátimizde órnek bolıp atırǵan professor -oqıtıwshılardı shın júrekten minnetdarshılıq bildirip, alǵısnama hám qımbat bahalı sıylıqlar menen sıylıqladı.