Institutımız studentleri «in-vitro» laboratoriyalarda tájriybe arttırmaqta

         Qaraqalpaqstan Respublikası aymaqlıq innovatсion rawajlanıw basqarması baslaması menen Qaraqalpaqstan awil xojalıǵı hám agrotexnologiyalar institutı professor oqıtıwshıları hám magistratura basqıshı studentleri Xorezm walayatındaǵı «Bene Fruits»JSHJ  qaraslı  «in-vitro» laboratoriyasında úyreniw jumısların alıp bardı. Bunnan maqset, Turkiya tájriybesi tiykarinda miywe terekleri nállerin in-vitro sharayatinda jetistiriwdiń usılların úyreniw hám jergilikli sharayatımizda oni qollanıwdan ibarat.  In-vitro bul jasalma sharayatta shiysha ıdıslarda ósimliklerdi ósiriw usıli esaplanip, onda ósimlikler steril sharayatta, laboratoriya xanalarında  kóbeytiledi. Házirgi kúnde «Bene Fruits»JSHJ  qaraslı  «in-vitro» laboratorıyasında  miyweli terek nálleri vegatativ usılda zamanagóy texnologiyalar tiykarında jetistirilmekte. Úyreniwler dawamında institut professor oqıtıwshıları hám studentler miywe terekleri nállerin hám in-vitro hám in-vivo yaǵniy laboratoriya hám dala sharayatında jetistiriw protsesi menen jaqınnan tanısip tájriybe arttirmaqta.