“Super balıqlar” fermer xojalıǵı menen memorandum dúzildi

Usı jıldıń 17-may kúni Qaraqalpaqstan Respublikası Joqarǵı Keńesi baslıǵınıń orınbasarı R.Saparbaev basshılıǵında Tórtkúl rayonında ótkerilgen “Balıqshılıq tarawında intensiv usılda balıq jetistiriwdi shólkemlestiriw ilajları” atamasındaǵı seminarda belgilep berilgen wazıypalardıń orınlanıwın támiyinlew maqsetinde Qaraqalpaqstan awıl xojalıǵı hám agrotexnologiyalar institutı hám Tórtkól rayonındaǵı “Super balıqlar” fermer xojalıǵı ortasında birge islesiw boyınsha memorandum dúzildi.

Memorandumǵa muwapıq, balıqshılıqtı rawajlandırıw tarawında birge islesiw, fermer xojalıǵında balıqshılıqtı rawajlandırıw baǵdarında studentlerdiń sawatlılıǵın asırıw maqsetinde ámeliyat ótkeriw ushın zárúr sharayatlardı jaratıw boyınsha kartalar dúziw, joqarı maǵlıwmatlı qániygeler tayarlaw sapasın asırıwda ekonomika tarawları hám tarmaqlarınıń qatnasıwın jánede keńeytiw hám basqa da bir qatar waziypalar boyınsha birge islesiw belgilep alınǵan.

Bul birge islesiw baylanısları Respublikamızda balıqshılıq tarawınıń jánede rawajlanıwına, sonday-aq, bul baǵdarda jetik,  tájriybeli hám básekiles qániygeler jetilisip shıǵıwına xizmet qıladı.