Tálim hám tárbiya máselelerine baylanıslı ilaj bolıp ótti

Joqarı Bilimlendiriw tarawında student jaslarǵa sapalı bilim beriw menen birge olar arasında tártip-intizam hám tárbiya máselelerinde mádeniyattı qáliplestiriw áhmiyetli wazıypalardıń biri sanaladı.
Búgin, 7-iyun kúni Qaraqalpaqstan awıl xojalıǵı hám agrotexnologiyalar institutında tálim hám tárbiya máseleleri boyınsha úgit násiyat ilajı bolıp ótti.
Ilajǵa institut rektorı E.Tóreniyazov qatnasıp, prorektorlar, professor-oqıtıwshılar hám de tyutorlarǵa bilimlendiriw sapasın arttırıw, student jaslardıń bos waqıtlarınan únemli paydalanıwın qadaǵalap barıw, olardı til úyreniwge baǵdarlaw, sabaqqa tolıq qatnasın támiyinlew, jámiyetlik jumıslarda belsendilikke shaqırıw hámde bos waqıtlarda qızıǵıwshılıǵı boyınsha bánt bolıwǵa yaǵnıy institutımızda jaratılǵan imkaniyatlardan paydalanǵan halda óz tarawınıń jetik qániygesi bolıwı ushın olarǵa tuwrı jol-joba kórsetiw hár birimizdiń baslı waziypamız ekenligin atap ótti.
Sonday-aq, milletler aralıq tatıwlıqtı támiyinlew, internet tarmaqlarınan nátiyjeli paydalanıw, informaciya qáwipsizligin támiyinlew, hár qanday jat illetlerden awlaq bolıw máseleleri boyınsha studentler hám ata-analar menen tikkeley birge islesiw hám úgit-násiyat ilajların alıp barıw boyınsha wazıypalar belgilep berildi.