Institutimiz wákilleri Portugaliyanıń Porto universitetinde oqıw seminarına qatnaspaqta

Qaraqalpaqstan awıl xojalıǵı hám agrotexnologiyalar nistitutı Portugaliyanıń Porto universiteti ortasında birge islesiwdi jánede rawajlandırıw maqsetinde usı jıldıń 3-12 iyun kúnleri Porto universitetiniń MOBILE 2 BE joybarı jeńberinde Akademik xızmetkerlerdiń mobilligi hápteligi bolıp ótpekte.

Instituttıń ilimiy isler hám innovaciyalar boyınsha prorektorı B.B.Jollıbekov hám balıqshılıq kafedrasınıń 2-basqısh tayanısh doktorantı A.K.Kalıknazarova joybar sheńberindegi háptelikte qatnasıw grantın qolǵa kirigizip, házirgi kúnde Porto universitetinde bir háptelik oqıw seminarlarına qatnaspaqta.

Seminarlar barısında institutımız wákilleri Porto universiteti menen jaqınnan tanısıp, universitet texnoparki (UPTEC – Science and Technology Park) xızmeti, ilimiy-izertlew bólimleri (Research and Development Units) ilimiy xızmet kórsetiw sisteması, sonday-aq, joqarı bilimlendiriwden keyingi bilimlendiriw sisteması, Universittiń bilimlendiriw Innovaciyası xızmeti haqqında maǵlıwmatlarǵa iye bolmaqta.

Sonıń menen birge, seminar dawamında institutımız wákilleri Porto universitetiniń Tábiyat tanıw fakulteti studentleri menen ushırasıp, olarǵa Qaraqalpaqstan awıl xojalıq hám agrotexnologiyalar institutı tárepinen alıp barılıp atırǵan ilimiy izertlew jumısları haqqında bayanatlar oqıwı rejelestirilgen.