2025-jıl 7-fevral kúni Qaraqalpaqstan awıl xojalıǵı hám agrotexnologiyalar institutında  Hayal-qızlar másláhát keńesiniń baslaması menen “Naǵıslarda birlik, dástúrlerde maqtanısh”atamasında ushırasıw bolıp ótti.

  Ushırasıwdı Hayal-qızlar máseleleri boyınsha rektor másláhátshisi Z.Mambetniyazova  ashıp berdi. Ushırasıwda  jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova shıǵıp sóyledi.

Ótkerilqen ilajǵa “Jas áwlad ”MPJ baslıǵı A.Kudaybergenova, 4-sektor hayal-qızlar belsendileri hám aymaqlıq  “Nuranıy” apalarımız, ónerment apalar belsene qatnastı.

Milliy kiyim – hár bir xalıqtıń mádeniyati, tariyxı hám úrp-ádetlerin sáwlelendiretuǵın áhmiyetli belgisi bolıp esaplanadı.

 Milliy kiyimler bayramı bolsa xalıqlardıń mádeniy baylıǵın kórsetiw, áyyemgi dástúrlerdi qásterlep saqlaw hám jas áwladqa jetkeriw maqsetinde ótkeriletuǵın áhmiyetli ilaj bolıp esaplanadı. Bul bayram dúnyanıń túrli mámleketlerinde belgilenedi. Onda túrli millet hám xalıq wákilleri ózleriniń milliy kiyimlerinde qatnasıp, mádeniy hár túrlilikti kórsetedi. Milliy kiyimler tek ǵana gózzallıq hám usıldı emes, al tariyxıy hám ruwxıy qádiriyattı da ózinde jámlegen.

 Dúnyanıń kóplegen mámleketlerinde de milliy kiyimlerge úlken itibar qaratılǵan. Máselen:

  • Yaponiyada – kimono.
  • Hindstanda – sari.
  • Shotlandiyada – kilt
  • Qazaqstanda – shapan hám kamzol.

 Hár bir mámleket óz milliy kiyimlerin qorǵaw hám jaslarǵa úyretiw arqalı mádeniy dástúrlerin saqlap qalıwǵa háreket etedi.

2025-jıl 7-fevral Ǵazal múlkiniń sultanı Alisher Nawayınıń  584 jıl tolıwına  arnalǵan ádebiy keshe bolıp ótti

 Kesheni   Malimleme resurs orayı  baslıǵı U.Amanjolova ashıp berdi hám basqarıp bardı. Keshe dawamında sózge: inistitumız jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova, Gumanitar hám tiller kafedrası PhD assistenti F.Sherjanova F.Serjanova, Tlewbaeva Jibek, Uteniyazova Bolǵanay, A.Beknazarov  hám qatardaǵı áskerler  Alisher Nawayı ómiri hám dóretiwshiligi boyınsha qatnasıwshılarǵa tolıq maǵlıwmat berip ótti.

 Bunnan soń  Kitapxanlar klubı jetekshisi  G.Doshniyazova tárepinen Alisher Nawayı ómiri hám dóretiwshiligi boyınsha tayarlanǵan  ( slayd kórnisi)  soraw –juwap arqalı student jaslardıń alǵan bilimleri bekkemlendi.

  Malimleme resurs orayı   bas kitapxanashısı G.Shanazarova Alisher Nawayı ómiri hám dóretiwshiligi boyınsha baspadan shıqqan kitapları menen tanıstırdı.  Student jaslardan Kamalova Nargiza, Aqnazarova Kamila, Tolıbaeva Azada, Alisher Nawayı ómiri hám dóretpelerinen ǵázeller oqıdı.

  Keshede 50024 áskeriy bólimi qatardaǵı áskerler tárepinen saz sáwbet penen dawam ettirildi. Keshe sońında  Málimleme- resurs orayı baslıǵı   U.Amanjolova, Tyutor  P.Dlanovalar  belsene qatnasqan 50024 Askeriy bólimi qatardaǵı áskerler  hámde  student jaslar “Húrmet jarlıǵı” menen  xoshametlendi.