Kópmillatli xalqimizning mustaqillik yillarida erishgan eng katta boyliklaridan biri -“Ózbekiston-umumiy uyimiz” degan shior ostida mamlakatimizda millatlararo dóstlik va ahillikni saqlay olganimiz hisoblanadi, desak, adashmagan bólamiz”.

Sh.M.Mirziyoyev

 Húrmetli prezidentimizdiń usınday danalıq sózleri biz jas áwlatlardı elede milletleraralıq tatıwlıqqa jetekleydi. Mine búginde usınday milletlerara doslıqtı bekkemlew maqsetinde, Qaraqalpaqstan awıl xojalıǵı hám agrotexnologiyalar institutında, “Ózbekstan ulıwma úyimiz” festivalı sheńberinde shólkemlestirilgen “Milletleraralıq doslıq, keńpeyillik-Ózbekstan rawajlanıwınıń tiykarı” atamasındaǵı koncert baǵdarlaması bolıp ótti. Ótkerilgen ilajǵa bir qansha miymanlarımız kelip, bayram qutlıqlawların bildirdi. Olardan Qaraqalpaqstan Respublikası Joqarı Keńes deputatı J.Palwanov, Nókis qalası Nuranıy qorı baslıǵı K.Kalenderov, Qaraqalpaqstan Musılmanlar qaziyatı qazısı B.Razov, Xalıq deputatları Nókis qalası Keńesi deputatı J.Atajanov, Qaraqalpaqstan Jazıwshılar shólkemi aǵzası B.Genjemuratovlar qatnastı.

 Dáslep sózdi institutımız rektorı B.Jollibekov ashıp berdi hám bársheni bayram menen qızǵın qutlıqlap, millet aralıq tatıwlıq sheńberinde bunday ilajlardıń ótkeriliw jaslarımızǵa úlken tásir kórsetiwin aytıp ótti. Rasında da búgingi kúnde elimizde milletaralıq tatıwlıq júdá joqarı bahalanıp kelinbekte. Usı qatarda bizlerdiń institutımızda da kóp milletli student jaslar bilim alıp kelmekte. Biz qaysı millet wákili bolıwımızdan qattıy názer Ózbekstan Respublikası xalqı bolıp esaplanamız hám bunnan sheksiz quwanıshqa bólenemiz.