Xabarıńız bar,  Qaraqalpaqstan awıl xojalıǵı hám agrotexnologiyalar institutı rektorı B.Jollıbekov Koreyada ótkerilip atırılǵan IRIC 2024 (Xalıq aralıq R&D sanaat) konferenciyasına qatnaspaqta. Bul konferenciya ilimiy-izertlew jumısları hám innovaciyalardı sanaatqa engiziw baǵdarında xalıqaralıq tájiriybe almasıw, jáne de áhmiyetli máselelerdi dodalaw ushın zárúr platforma bolıp esaplanadı.

 Sapar sheńberinde Koreya Respublikası ilimiy izertlew institutı (KBSI)da bolıp, bul jerde Koreya Respublikası ilimiy izertlew institutı hám Qaraqalpaqstan awıl xojalıǵı hám agrotexnologiyalar institutı arasında  ilimiy izertlewler alıp barıw boyınsha birgelikte qospa ilimiy joybarlar islew boyınsha sóylesiwler alıp bardı. 

  Bunnan soń, Koreya Respublikası ilimiy izertlew institutı (KBSI) nıń ilimiy izertlew laboratoriyası imkaniyatları menen tanıstı.

 Maǵlıwmat ushın: KBSI institutı dúnya júzi boylap laboratoriyalar ásbap-úskenelerin islep shıǵarıw, professor-oqıtıwshılardıń mamanlıǵın jetilistiriwde jetekshi esaplanıp, házirgi kúnde institut laboratoriyalarında ámelge asırılǵan ilimiy izertlew jumısları nátiyjelerin ámeliyatqa engiziw, kommerciyalizaciyalastırıw arqalı 122 mlrd dollar muǵdarında payda alıwǵa erisken.