Yaponiyanıń JICA shólkemi  wákilleri Qaraqalpaqstanda

  Búgin Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı – awıl xojalıǵı ministri hám Yaponyanıń Xalıqaralıq birge islesiw agentligi hámde Kyoto universiteti docenti menen ushırasıw bolıp ótti.

 Ushırasıwǵa Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı – awıl xojalıǵı ministri Sh.Teshayev, Qaraqalpaqstan awıl xojalıǵı hám agrotexnologiyalar institutı rektorı B.Jollıbekov hám Yaponiyanıń xalıqaralıq birge islesiw agentliginiń Ekonomikalıq rawajlanıw bólimi direktorı Ban Daichi, JICA shólkeminiń Tashkent qalasındaǵı filialı bas qánigeleri Noguchi Akiko, Qurbonov Farxod, Satreps Blue joybarı kordinatorı Ishigaki Shigeki hám Yaponiyanıń Kyoto universiteti docenti Xujanazarov Temur qatnastı.

  SATREPS bul – birgeliktegi xalıqaralıq izertlewlerdi rawajlandırıw ushın Yaponiya húkimetiniń baǵdarlaması. Baǵdarlama Yaponiya ilim hám texnika agentligi, Yaponiya xalıqaralıq birge islesiw agentligi (JICA) hám mámleketimiz arasındaǵı birge islesiw sıpatında dúzilgen.  Joybarda kórsetilgen mámleket talaplarınan kelip shıǵıp, baǵdarlama jergilikli hám globallıq jámiyetke ámeliy payda keltiretuǵın izertlewlerdiń jańa innovaciyalıq nátiyjelerin hám olardıń jetiskenliklerin engiziw arqalı global mashqalalardı sheshiwge qaratılǵan.

 Ushırasıwdan maqset Ózbekstan-Yaponiya: Topıraq shorlanıwın  atap aytqanda Qaraqalpaqstan Respublikası Aral boyı klimat ózgeriwine qarsı gúresiwde birge islesiw bolıp tabıladı.