Qánigelestirilgen bilimlendiriw mákemeleri agentligine qaraslı Shımbay rayonı qánigelestirilgen mektebiniń joqarı klass oqıwshıların Joqarı oqıw orınları menen jaqınnan tanıstırıw, ámeliy tájiriybe arttırıw maqsetinde mektep administraciya hám oqıtıwshılar basshılıǵında Qaraqalpaqstan awıl xojalıǵı hám agrotexnologiyalar institutında boldı.

 Ekskursiya dawamında instituttıń Akademiyalıq licey hám texnikumlarǵa metodikalıq járdem beriw sektorı bas injeneri Abdikarimov Alliyar hám de oqıtıwshı ustazlardan Adilov Sadirbay, Xamidullaev Jańabergen, Toremuratov Muxamediyarlar oqıw-laboratoriya, ámeliy shınıǵıw xanaları menen tanıstırıp ótti. Soń málimleme-resurs orayı, májilisler zalı, ıssıxanalar hám institut aymaǵında shólkemlestirilgen kóklemzarlastırıw orınları menen tanıstırıldı hám institut boylap sayaxat da shólkemlestirildi.

 Tábiyǵıy pán baǵdarındaǵı oqıwshılar bolsa laboratoriya bólmelerinde professor oqıtıwshılardan ózleriniń qızıqtırǵan sorawlarına juwaplar alıp, olar menen birgelikte kishi ámeliyatlar ótkerdi. Sapar dawamında mektep oqıwshıları instituttıń shólkemlestiriliw tariyxı, yaǵnıy – Qaraqalpaqstan awıl xojalıǵı hám agrotexnologiyalar institutı Ózbekstan Respublikası Ministrler Kabinetiniń 2021-jıl 4-maydaǵı 275-sanlı qararı tiykarında Tashkent mámleketlik agrar universiteti Nókis filialı bazasında shólkemlestirilgenligi haqqında. búgingi kúnde institutta tayarlanatuǵın tálim baǵdarları – 33 bakalavriat tálim baǵdarı, 17 magistratura qánigelikleri hám 15 doktorantura qánigelikleri boyınsha kadrlar tayarlanadı. Bul tálim baǵdarları hám qánigeliklerde 3541 jaslar (2267 er balalar hám 1274 qız balalar) bilim alıp atırǵanlıǵı haqqında. Sonnan, 2196 student kúndizgi bakalavriatta, 1240 student sırtqı tálimde, 51 student magistraturada hám 54 jaslar doktoranturada oqıp atırǵanlıǵı haqqında hám olarǵa jámi 249 professor-oqıtıwshılar bilim bermekte. Sonnan, 7 professor, 53 docent, 57 ilim doktorları, 119 assistent hám 13 stajyor oqıtıwshılar esaplanıwı hám professor-oqıtıwshılardıń ilimiy dárejesi 47,6 procentti quraytuǵınlıǵı málim etildi.