Ózbekstan Respublikası Prezidentiniń «2025-jıl 14-fevraldaǵı «Joqarı bilimlendiriw shólkemleri pitkeriwshileriniń jumısqa jaylasıwına kómeklesiw boyınsha qosımsha ilajlar haqqında”ǵı PQ-61-sanlı qararına kirgizilip atırǵan ózgerisler hám qosımshalar haqqında”ǵı 2025-jıl 3-noyabrdegi PQ-328-sanlı qararı orınlanıwın támiyinlew maqsetinde jumıs beriwshilerdi qamrap alǵan halda Qaraqalpaqstan awıl xojalıǵı hám agrotexnologiyalar institutında 2026-jıl 15-may kúni «Karera kúni» miynet yarmarkası ótkerildi.
Yarmarkada Qaraqalpaqstan Respublikası Ministrler Keńesi, Qaraqalpaqstan Respublikası Kámbaǵallıqtı qısqartıw hám bántlik ministrligi, Qaraqalpaqstan Respublikası Awıl xojalıǵı ministrligi hám onıń quramına kiriwshi shólkemler, Bántlik hám miynet qatnasıqları ministrligi hám basqa da tarawǵa tiyisli shólkemler iri kárxanalar, bank-finans akcionerlik jámiyetleri jáne basqa da tiyisli kárxana hám shólkemler qatnastı.
Respublikamız boylap bir neshe jıllardan berli ótkerilip kiyatırǵan “Karera kúni” miynet yarmarkası student-jaslardıń bántligin támiyinlep ǵana qoymastan, al jumıssız puqaralarǵa miynet nızamshılıǵı, bar jumıs orınlarında belgilengen jeńillikler hám kepillikler, jumıs orınları haqqında túsinikler hám jumısqa jaylasıw tártibi haqqında tolıq maǵlıwmatǵa iye boldı.
