Institutımızdıń jipekshilik tálim baǵdarında Yaponiya tájriybesi úyreniledi

Institut rektorı E.Tóreniyazov, ilimiy isler hám innovaciyalar boyınsha prorektor B.Jollıbekov hám Yaponiya awıl xojalıǵı universiteti professorı DR.Makoto IIKUBO qatnasıwında ushırasıw ótkerildi.

Ushırasıw barsında Yaponiyalı miyman ózin tanıstırıp ótti hám jipekshiliktiń rawajlanıwı boyınsha sonday-aq, institutımız benen birge islesiwde alıp baratuǵın aldaǵı jumısları haqqında aytıp ótti.

Ushırasıwda atap ótilgenındey, házirgi kúnde dúnyaniń 60 tan artıq mámleketlerinde pilleden ónim islep shıǵarıladı. Sonnan 20 dan artıq mámlekette “gúmis tala” jetistiriledi.

Bul boyınsha Qıtay 1-orında, Hindistan  2-orında hám Ózbekstan 3-orında turadı.

Yaponiyalı miyman Ózbekstanda jipekshilik boyınsha alıp barılıp atırǵan ilajlajdan xabardar ekenligin bildirdi hám institut jaslarına usı tarawdaǵı tájribesinen kelip shıǵıp, bilim beriwge, Qaraqalpaqstan Respublikasında jipekshilikti rawajlandırıwǵa az bolsada óz úlesin qosıw niyetinde ekenligin ayrıqsha atap ótti.

Soniń menen birge, miyman Yaponiyadan jipek qurtı sortın alıp kelgenligin hám onı usı jerde jetistiriw, kóbeytiw ilajların alıp barip, Qaraqalpaqstan sharayatında jańa sortlardı jaratıwı haqqında aytıp ótti.

Ushırasıw dawamında Yaponiyalı professor institut studentlerine tálim berip, olar menen laboratoriyalıq jumıslardı alıp barıwǵa, jipek qurtınıń jańa sortların jaratıwǵa hámde tut teregi japiraqlarınıń quramın úyreniw jumısların alip barıwǵa kelisip alindi.

Qaraqalpaqstan awıl xojalıǵı hám agrotexnologiyalar institutı Málimleme xizmeti