2025-jıldıń 3-iyun kúni Qaraqalpaqstan awıl xojalıǵı hám agrotexnologiylar institutına Yaponiyanıń Tsukuba universitetiniń docenti Maki Asano, 1-basqısh magistrantı Natsuto Okubo hámde PhD studenti Boltayeva Husnida miymanda boldı. Miymanlardi Qaraqalpaqstan awıl xojalıǵı hám agrotexnologiylar institutı Ilmiy isler hám innovaciyalar boyinsha prorektor w.w.a A.Sayimbet, Topıraqtanıw hám agroximiyalıq izzertlewler institutı wákilleri Nurmetov Nurali hámde Mamatkulov Asliddin kútip aldı.

 Dáslep Ilmiy isler hám innovaciyalar boyinsha prorektor w.w.a A.Sayimbet miymanlardı institut laboratoriya xanaları menen tanıstırıp, topiraq agroximiyası boyinsha úyrenilip atırılǵan ilmiy jumıslar menen tanıstırdı. Bunnan soń miymanlarǵa institut haqqında maǵlıwmat berdi.

 Óz gezeginde Tsukuba universitetiniń docenti Maki Asano óz universitetinde topiraqtanıw tarawında ámelge asırılıp atırǵan joybarlar haqqinda maǵlıwmat berdi hám keleshekte birgelikde ilmiy jumislardi birge alıp barıw boyinsha usınısın bildirdi.