Joqarı oqıw ornı studenti bolıw tek ǵana abiturientler emes, olardıń ata-anaları da perzentleriniń bul baxıtqa erisiwin qáleytuǵını sózsiz.

 Respublikamız boylap test sınaqları 14-iyul sánesinen baslap dawam etip atırǵan bolsa da, búgingi test sınaqları kópshilik jaslar ushın óz ómirinde burılıs jasawı múmkin bolǵan kún esaplanadı.

 Bul test sınaqlarınıń ádil, ashıq-aydın hám qáwipsiz ótiwin támiyinlew maqsetinde Qaraqalpaqstan awıl xojalıǵı hám agrotexnologiyalar institutı administraciyası basshılıǵında professor-oqıtıwshılar, test processlerine biriktirilgen juwapker xızmetkerler, volontyorlar belsene qatnaspaqta.

 Bunnan tısqarı tek ǵana abiturientlerge emes, al olardıń ata-anaları ushın da Qaraqalpaqstan awıl xojalıǵı hám agrotexnologiyalar institutınıń administraciyası hám juwapker uyımlar tárepinen institutımızdıń úlken májilisler zalında abiturientlerdiń test sınaqların tabıslı tapsırıwın baqlap barıw, kútiw orınları, test procesin onlayn baqlaw imkaniyatı, sonday-aq, basqa da zárúr sharayatlar jaratılǵan.