Institut boyınsha “Studentlerdiń oqıwın kóshiriw (qayta tiklew) boyınsha dizimnen ótkerilgen arzalardı óz wákilligi sheńberinde kórip shıǵıw komissiyasınıń jumısın shólkemlestiriw maqsetinde” isshi topar dúzilgenligin xabarlaydı. Bunda puxaralar tárepinen beriletuǵın sorawlarǵa tez hám anıq juwap beriw maqsetinde  Qaraqalpaqstan awıl xojalıǵı hám agrotexnologiyalar institutında Másláhát orayı (Call-center) shólkemlestirildi. Isshi topar baslıǵı A.Maulenov, Isshi topar aǵzaları R.Ubaydullaev, M.Mambetov Baylanısıw ushın Tel:+998(61)2292689

 OQIWDI KÓShIRIW TALAPINIŃ BIYKAR ETILIWINE TIYKARǴI SEBEPLER!

 Sonıń ishinde;

 1. Shet mámleketlerdiń akkreditaciyaǵa ie bolmaǵan joqarı bilimlendiriw mákemelerinde yamasa olardıń filiallarında oqıǵanlarǵa;

 2. Respublika joqarı bilimlendiriw mákemelerindegi bar bilimlendiriw formasınan basqa (basqa) bilimlendiriw formasında oqıǵanlarǵa;

 3. Birinshi kurstıń birinshi semestri tamamlanbaǵan jaǵdayda bolsa (studentke kesellik sebepli akademik dem alıs berilgen jaǵdaylar, oqıǵan bilimlendiriw baǵdarı bolmaǵanda kóshirip tiklew jaǵdayları buǵan kirmeydi);

 4. Joqarı bilimlendiriw mákemesinde sáykes (túrles) bilimlendiriw baǵdarı (qánigeligi) yamasa bilimlendiriw forması bolmasa;

 5. Tólemli-kontrakt tiykarında oqıwǵa usınıs etilgenler tólemdi belgilengen múddette ámelge asırmaǵanda;

 6. Studenttiń jeke jıynaǵı (akademiyalıq maǵlıwmatnama) belgilengen múddetlerde usınıs etilmegende;

 7. Joqarı bilimlendiriw mákemesi materiallıq-texnikalıq bazasınıń imkaniyatı sheklengende;

 8. Maqsetli qabıl etilgenler basqa tálim baǵdarına yamasa tálim formasına, basqa joqarı bilimlendiriw mákemesine kóshiriwde;

 9. Student Ózbekstan hám sırt el joqarı bilimlendiriw mákemeleriniń óz-ara kelisim tiykarında qabıl etilip, qospa bilimlendiriw baǵdarlamaları tiykarında oqıǵan yamasa oqıp atırǵan bolsa (usı qospa baǵdarlamanıń ózi buǵan kirmeydi);

 Joqarı bilimlendiriw, ilim hám innovaciyalar ministriniń tiyisli buyrıǵı menen 2025/2026-oqıw jılı ushın sırt el hám mámleketlik emes joqarı bilimlendiriw mákemelerinen studentlerdiń oqıwın respublikalıq mámleketlik joqarı bilimlendiriw mákemelerine kóshiriw boyınsha ótkeriletuǵın arnawlı sınaqlar boyınsha ótiw balları tastıyıqlandı.