Qaraqalpaqstan awıl xojalıǵı hám agrotexnologiyalar institutında Yaponiyanıń “Green Leaf” kompaniyasınıń prezidenti Sawaura Shoji, kompaniya xızmetkeri Sawaura Yukiko hám JICA GROW joybarınıń eksperti Yoshikava Takumalar xızmet saparı sheńberinde bardı.

 Miymanlardı institut rektorı B.Jollibekov, OISCA-Uzbekistan ofis menedjeri T.Buranbaev hám institutta volontyor sıpatında tájiriybe arttırıp atırǵan Yaponiyalı jaslar kútip aldı. Sapar sheńberinde tárepler qatnasında ushırasıw sáwbeti ótkerildi.

 Ushırasıwdıń tiykarǵı maqseti – institut pitkeriwshileri hám pitkeriw aldında bolǵan studentlerdi jumıs penen támiyinlew, sonday-aq, óz-ara birge islesiwdi jáne de bekkemlewden ibarat boldı.

 Ushırasıw dawamında eki tárep te búgingi kúnde bar imkaniyatlar haqqında pikir alısıp, keleshekte qospa joybarlar hám ámeliy birge islesiwdi rawajlandırıw usınısların alǵa qoydı.