Xalıqaralıq ana tili kúniniń tiykarǵı maqsetleri:

Tillerdi saqlaw: Dúnyadaǵı 6 mıńnan aslam tildiń 90%i  joǵalıp ketiw qáwpi astında bolǵan sharayatta, olardı saqlap qalıw.

Kóp tillilik: Bilimlendiriwde hám jámiette ana tili menen birge basqa tillerdi de úyreniwdi xoshametlew.

Mádeniy miyras: Ana tili millettiń mádeniy dúnyası, ruwxıyatınıń tiykarı sıpatında qádirlew bolıp tabıladı.

 Usı múnásibet penen Awıl xojalıǵın mexanizaciyalaw hám suw xojalıǵı fakultetinde “Gumanitar pánler hám Tiller” kafedrası Inglis tili páni oqıtıwshıları hám 1-kurs student jasları menen birgelikte ádebiy keshe ótkerildi.  Keshe dawamında oqıtıwshılar tárepinen dúnya xalıqlarınıń ana tilleriniń kelip shıǵıw tariyxı haqqında maǵlıwmatlar berildi. Hár qıylı millet wákillerinen ibarat bolǵan student jaslar óz ana tilinde qosıqlar aytıp, saxnalıq kórinisler kórsetti. Ilaj juwmaǵında belsene qatnasqan student jaslarǵa sawǵalar tapsırıldı.