Awıl xojalıǵı iliminde “STEM” baǵdarlaması hám “HECI” global maqsetiniń áhmiyeti

2026-jıl 14-mart kúni Qaraqalpaqstan awıl xojalıǵı hám agrotexnologiyalar institutında juwaplı trener “Gumanitar pánler hám tiller” kafedrasınıń aǵa oqıtıwshısı Z.Mambetniyazova tárepinen institut professor-oqıtıwshıları ushın “Awıl xojalıǵı iliminde STEM baǵdarlaması hám HECI global maqsetiniń áhmiyeti” atamasında aǵartıwshılıq ushırasıwı shólkemlestirildi. Onda bilimlendiriw sistemasına STEM (science, technology, engineering, mathematics) qatnasın engiziw hám HECI (humanity, ethics, creativity, imagination) global maqsetine muwapıq, miynet bazarına sáykes joqarı maman kadrlardı tayarlaw baǵdarında ámelge asırılıp atırǵan reformalar haqqında maǵlıwmatlar berildi. Ilaj dawamında STEM baǵdarlamasın jaqın keleshekte basqıshpa-basqısh engiziw, HECI principlerin bilimlendiriw procesine integraciyalaw hám kelesi on jıllıq ushın jańa mámleketlik talaplar hám bilimlendiriw standartlarınıń úlgi modellerin islep shıǵıw zárúr ekenligi atap ótildi. Sonday-aq, bul baǵdarlarda ilimiy-izertlew jumısların kúsheytiw maqsetke muwapıq ekenligi atap ótildi.