QARAQALPAQSTAN AWÍL XOJALÍǴÍ AGROTEXNOLOGIYALAR INSTITUTÍ XABAR HÁM KIBERJÍNAYATLARǴA QARSÍ GÚRESIW BOYÍNSHA SEMINAR TRENING 

  Ózbekstan Respublikasınıń 15.04.2022-jıl “Kiberqáwipsizlik haqqında”ǵı OʻRQ-764-san Nızamı, Ministrler Keńesiniń 5.10.2022-jıl “Jeke maǵlıwmatlardı qayta islew tarawındaǵı ayırım normativlik-huqıqıy hújjetlerdi tastıyıqlaw haqqında”ǵı 570-sanlı Qararı, Ádillik mininstrliginiń 15.11.2023-jıl “Shaxsqa tiyisli maǵlıwmatlardı qayta islewdiń úlgi tártibin tastıyıqlaw haqqında”ǵı 20-sanlı buyrıǵı tiykarında, institut “Sanlı tálim texnologiyalar orayı” xızmetkerleri tárepinen islep shıǵılǵan Qaraqalpaqstan Respublikasında 2026-jıldıń aqırına shekem xalıqtıń kibermádeniyatın arttırıw hám kibergigienasın qáliplestiriwge qaratılǵan kompleksli úgit-násiyat is-ilajlar rejesi 1-bántinde berilgen tapsırmanı orınlaw maqsetinde, institut talaba jaslarına 2026-jıl 17-aprel kúni seminar trening shólkemlesririldi.

  Seminarda institut profilaktika inspektorı aǵa leytenant T.Keńesbaev hám “Sanlı tálim texnologiyalar orayı” xızmetkerleri tárepinen “Kiberjınayatlarǵa qarsı gúresiw” boyınsha túsindiriw jumısların alıp bardı.

  Seminar dawamında xabar qáwipsizligi siyasatı, internet hám sociallıq tarmaqlardan qáwipsiz paydalanıw, kibermákanda qadaǵan etilgen kontentlerdi tarqatıw, elektron tólem quralları arqalı ózgelerdiń múlkin talan-taraj etiwdiń huqıqıy hám basqa da unamsız aqıbetleri, olardı sociallıq tarmaqlar arqalı en jaydırıw boyınsha túsinikler berip ótildi.