 |
Kafedra basligı: | Tursımuratov Sapar Yeshmuratovich |
| Telefon: | +99893 614-40-20 | |
| E-mail: | sapartursimuratov@tdaunukus.uz |
“AWIL XOJALIGIN MEXANIZATSIYALASTIRIW” KAFEDRASI
“Awıl xojalıǵın mexanizaciyalastırıw” kafedrası 1977-jılı Nókis mámleketlik universitetiniń «Awıl xojalıǵı ekonomikası» fakul`teti quramında dúzildi. 2003-jılı “Ulıwma texnikalıq pánler hám turmıs háreketi qáwipsizligi”, “Traktorlar hám awıl xojalıǵı mashinaları” hám “Mashinalardıń isenimligi, paydalanıw hám ońlaw-jónlew” kafedraları bazasında búgingi kunde jumıs alıp barmaqta. Usı dáwirge deyin kafedraǵa professorlardan S.N.Shamshetov, O.P.Auezov, docentlerden A.Xojamuratov, T.Bazarbaev, B.A.Loc, E.Q.Sultanov, S.U.Allaniyazov, B.K.Utepbergenov hámde R.O.Sadıqovlar basshılıq etti.
Házirgi waqıtta kafedraga 2025-jıldan baslap texnika ilimleri boyınsha filosofiya doktorı (PhD) Tursımuratov Sapar Yeshmuratovich “Awıl xojalıǵın mexanizaciyalastırıw” kafedrasına bashılıq etip kelmekte.
Kafedrada 2 professor; 4 t.i.k., docentler; 4 texnika ilimleri kandidatları; 1 aǵa oqıtıwshı; 3 assistent ilimiy-pedagogikalıq jumısların alıp barmaqta.
Kundizgi oqıw bóliminde 60810100-Awıl xojalıǵın mexanizaciyalastırıw, 60711400–Texnologiyalıq processler hám óndiristi avtomatlastırıw hám basqarıw, sırtqı bóliminde 60810100–Awıl xojalıǵın mexanizaciyalastırıw bakalavriat, 70810101–Awıl xojalıǵın mexanizaciyalastırıw (tarmaqlar boyınsha) qániygelegi boyınsha magistratura sondayaq 05.07.01 – Awıl xojalıǵı hám melioraciya mashinaları. Awıl xojalıǵı hám melioraciya jumısların mexanizaciyalaw jónelisi boyınsha tayanısh doktorantura basqıshında kadrlar tayarlanadı.
Kafedranıń Ilimiy jumısları
Kafedra, Ózbekstan awıl xojalıǵın mexanizatciyalastırıw ilim-izertlew institutı ilimpazları professor A.Tuqtakuziev, R.I.Baymetov, A.Karaxanov, А.Ibragimov hám basqa ilimpazlardıń basshılıǵında ilimiy qániygeler tayarlawda birge islesip kelmekte.
Kafedranıń ilim-izertlew jumıslarının nátiyjeleri Respublikamızdıń awıl xojalıǵında paydalanıp kiyatırǵan mashina hám qurallardıń jumıs rejimlerin hám olardıń jumısshı bólimleriniń konstrukciyasın, tiykarǵı ólshemlerin jetilistiriwge baǵdarlanǵan. Bul jumıslardıń nátiyjesi boyınsha kafedra professor-oqıtıwshıları tárepinen kóplegen patentler alınǵan, solardan: («Ǵildirakli traktor». Patent IAP 04355 (05.04.2011); «Tishli borona». Patent IAP 04446 (14.11.2011); «Tuproqqa ishlov beruvchi mashinaning qishloq xujaligi ekinlaridagi qatqaloqlarini yumshatuvchi ishchi sekciyasi». Patent IAP 00670 (28.11.2011); «Ǵuza ildizini qirquvchi kultivatorning ishchi organi». Patent IAP 04538 (10.07.2012); «Plyonka yoygich». Patent IAP 04746 (30.08.2013); «Oʻqli uzatiladigan ishqalagish qurilma». Patent IAP 0079 (30.01.2013), «Ishqalagich mashinaning yuklash qurilmasi» Patent IAP 00882 (06.02.2014). «Saralash qurilmasi» Patent IAP 00955 (31.10.2014), «Rabochaya sekciya kul`tivatora» Patent RUz. №IAP 05004 (2015), «Mineral wǵitni maydalagich» Patent RUz. №IAP 05646 (19.01.2015), «Organik wǵitni maydalagich» Patent RUz. №IAP 05642 (12.02.2015), «Ǵuzapoya maydalagich» Patent RUz. №IAP06060 (14.08.2017), «Kul`tivatorning ishchi sekciyasi» Patent RUz. №IAP 06345 (15.03.2018), «Kul`tivatorning utoq qiluvchi panjasi» Patent RUz. №IAP06603 (29.01.2021), «Ekkich» Patentga Qaror (16.12.2021), «Traktor» Patentga Qaror (21.01.2022), «Saksavul urug`larini ekkich» №FAP 2633 (10.12.2024) Patent alındı hám bul jumıslardıń nátiyjeleri Respublika hám sırt el ilmiy jurnallarında hám ilimiy-texnikalıq konferenciyalarda jariyalandı.
Kafedranıń joqarı oqıw orınları hám óndiris kárxanaları menen baylanısı
Kafedra Qaraqalpaq mámleketlik universiteti, Nókis mámleketlik pedagogikalıq institutı, Tashkent mámleketlik agrar universiteti, Tashkent irrigaciya hám awıl xojalıǵın mexanizaciyalastırıw injenerleri institutı, Qarshi injener-ekonomikaliq universiteti, Tashkent mámleketlik texnika universiteti, Andijan awal xojalıǵı hám agrotexnologiyalar institutı, TashMAU Samarqanda filialı, Rossiya Federaciyasınıń Volgograd mámleketlik agrar universiteti hám de Chelyabinsk Qubla-Ural mámleketlik agrar universiteti hám basqa joqarı oqıw orınları menen qánigeler tayarlawda oz-ara birgi islesiwlerdi jolǵa qoyǵan.
