2022-jıldıń 12-avgust kúni institumızǵa Germaniya Federativ Mámleketiniń GIZ Germaniya xalıqaralıq birge islesiw shólkemi wákilleri Yorg Pudelka, Joachim Fritz, Beata Schorait, Paul Shumaxer, Germaniyaniń Tashkent qalasindaǵi elshixanasi wakili Michael Wimmer  hám sonıń menen birge Ózbekstan aymaqlarında ekonomikalıq reformalar hám turaqlı rawajlanıwdı qollap-quwatlaw (NaWi) joybarı koordinatori Alisher Kurbanov, Aralboyı aymaqlarınıń ekologiyalıq baǵdarlanǵan aymaqlıq rawajlanıwı (ECO-Aral) joybarı qánigeleri Yulian Felten hám Ayzada Uzaxbaevalar kelip, institutimizda joybarlar sheńberinde ámelge asirilip atirilǵan ilajlar hámde balıqshılıq kafedrası laboratoriyaları menen tanıstı.

Ushrasıw dawamında institumiz oqıw isleri boyinsha prorektori N.Absattarov 2 jıl dawamında GIZ shólkemi menen birge islesiw dáwirinde ámelge asırılǵan ilajlar hám balıqshılıq tarawında alıp barılıp atırǵan nátiyjeli jumıslar haqqında aytıp ótip, GIZ shólkemi wákillerine minnetdarshılıq bildirdi.

Institumızdiń Zooinjeneriya fakulteti “Gidrobiologiya” tálim jónelisi 1-basqısh doktorantı Kaliknazarova Almagúl óziniń Artemiyanı Qaraqalpaqstan Respublikasında jetistiriw boyınsha alıp barıp atırǵan ilimiy jumısı hámde ECO-Aral joybari sheńberinde Vietnam mámaleketindegi qisqa muddetli ilimiy stajirovka haqqında maǵlıwmat berip, balıqshılıq kafedrası laboratoriyasındaǵı ámeliy jumısların tanıstırıp ótti.

GIZ Germaniya xalıqaralıq birge islesiw shólkemi wákilleri Balıqshılıq kafedrası laboratoriyaları, laboratoriyaǵa alıp kelingen úskeneler menen tanıstırıldı hám ushrasıw juwmaǵında institutımızǵa kelip, onda alıp barılıp atırǵan jumıslar menen tanısqanlıǵınan quwanıshlı ekenligin bildirdi.