Qaraqalpaqstan awıl xojalıǵı hám agrotexnologiyalar institutında náwbettegi ilimiy keńes májilisi bolıp ótti.

Institut rektorı B.Jollibekov basshılıǵında náwbettegi keńeytirilgen ilimiy keńes májilisi bolıp ótti. Májiliste baslı dodalanǵan máseleler, Qaraqalpaqstan awıl xojalıǵı hám agrotexnologiyalar institutı ilimiy isler hám innovaciyalar boyınsha prorektor lawazımına Alimov Atabek Kerimbergenovich tayınlandı. Ilimiy keńes aǵzaları Alimov Atabek Kerimbergenovichti jańa lawazım menen qutlıqlap, institutımızdıń rawajlanıwında ayanbay miynet etetuǵınlıǵına isenim bildirdi.

Májilis dawamında Institut rektorı B.Jollibekov, birinshi prorektor R.Ibragimovanıń ruwxiy aǵartıwshılıq ilajlarında belsendilik etip joqarı nátiyjelerge erisip kiyatırǵanlıǵın aytıp ótip, onı Ózbekistan Respublikası ruwxĩylıq hàm aĝartıwshılıq orayınıñ “Ma’naviyat Fidoyisi” kókirek belgisi menen sıylıqlanǵanlıǵı sebepli qızǵın qutlıqladı.

Onnan soń yanvar ayında “Jańa turmıs ushın, jańa Ózbekstan ushın” súreni astında ótkerilgen “Máhállede duw-duw gáp” atamasındaǵı ilajda máhállelerde úgit- nàsiyat jumısların alıp barıwda belsendilik kórsetkeni ushın institutımızdıñ professor oqıtıwshılarına MINNETDARSHÍLÍQ xoshametlewleri tapsırıldı.

Usı jıldıń ózinde institutımız jaqsı tabıslarǵa eristi desek, aljasqan bolmaymız. Talapshañ, izleniwsheń student jaslarımız ózleriniń bilimlerin ele de bekkemlep jaqsı kórsetkishlerdi kórsetti. Atap aytsaq Beruniy atındaǵı mámleketlik stipendiya iyesi Uzaqova Farida, I.Karimov atındaǵı mámleketlik stipendiya iyesi Shaxnoza Baxtiyar qızı, I.Yusupov atındaǵı mámleketlik stipendiya iyesi Altınay Uzaqova, T.Qayıpbergenov atındaǵı mámleketlik stipendiya iyesi  Juldızxan Joldasbaevalar sıylıqlandı. Bular biziñ maqtanıshımız hàm aldaĝı waqıtları bunday jetiskenlikler ele de dawam etedi dep isenemiz.