Xabarıńız bar,  Qaraqalpaqstan awıl xojalıǵı hám agrotexnologiyalar institutı rektorı B.Jollibekov házirgi waqıtta Estoniya tábiyǵıy pánler universitetine xızmet saparında.

  Sonıń menen birge Estoniya tábiyǵıy pánler universitetinde ótkerilgen “Ashıq esikler kúni” ilajında qatnasıp, “Resilience system to the climate change in the Uzbekistan” atamasında ashıq sabaq ótti hám bunnan tısqarı institutımız haqqında maǵlıwmatlar berdi.

  Usı ilaj dawamında Estoniya tábiyǵıy pánler universiteti professorları hám óz kafedrası student-jasları menen tanıstırıp, hár bir ilimpaz ózleriniń iskerlikleri boyınsha túsinikler berip ótti. Olar qatarında institut rektorı B.Jollibekov ta óziniń ilimiy hám kásiplik jumısınıń nátiyjelerin estoniyalı jaslarǵa túsindirip berdi.

  Qaraqalpaqstan awıl xojalıǵı hám agrotexnologiyalar institutı ilimiy hám professional iskerligin asırıw maqsetinde B.Jollibekov tárepinen búgingi kúnde “Koreya, Germaniya, Italiya, Qazaqstan, Qıtay, Yaponiya,Túrkiya” sıyaqlı mámleketler menen ámelge asırılıp atırǵan joybarlar qatarında Estoniyalı jaslardı da keleshekte úlken joybarlardı ámelge asırıwda birge islesiw usınıs etildi.