Nókis qalası 26-sanlı orta mektep oqıwshıları arasında Rektor kubogi oyınları ótkerildi

 2025-jıl 3-aprel sánesinde Qaraqalpaqstan awıl xojalıǵı hám agrotexnologiyalar institutı tárepinen jas óspirimler arasında salamat turmıs tárzin engiziw hám olardıń bos waqıtların mazmunlı ótkeriw maqsetinde sporttıń voleybol túri boyınsha rektor kubogi jarısları Nókis qalasında jaylasqan 26-sanlı orta mektep oqıwshıları arasında ótkerildi.

 Ótkerilgen ılájdı Qaraqalpaqstan awıl xojalıǵı hám agrotexnologiyalar institutı rektorı B.Jollıbekov ashıp berdi hám qatnasıwshılarǵa óziniń jaqsi tilekler menen birge jarısta áwmet yar bolıwına tilekles ekenligin bildirdi.

 Bunnan soń institutımızdıń jaslar máseleleri hám ruwxıy-aǵartıwshılıq isleri boyınsha birinshi prorektor M. Dauletmuratov,  Jaslar menen islesiw, ruwxıylıq hám aǵartıwshılıq bólim baslıǵı M.Tlegenov hám Z.Allaniyazovlar oyınlardı baqlap bardı.

✅Jarıs juwmaǵında
🥇1 orındı 11 a-Klass
🥈2 orındı 9 b-klass
🥉3 orındı 10 b-klass tárbiyalawshıları iyelewge mıyassar boldı.

 Jarıs juwmaǵında jeńimpaz komandalardı insituttıń rektoratı tárepinen maqtaw jarliqlar hám qımbat bahalı sawǵalar menen sıylıqlandı.