12-aprel kúni Xudayar Matyakubovtıń 70 jasın qarsı alıwı múnásibeti menen ushırasıw keshesi bolıp ótti

 Qaraqalpaqstan awıl xojalıǵı hám agrotexnologiyalar institutında “Miywe-ovosh hám palızshılıq” kafedrası docenti, “Ózbekstan Respublikası awıl xojalıǵı pidayısı” kókirek belgisiniń iesi Xudayar Matyakubov 70 jasqa tolıwı múnásibeti menen ushırasıw keshesi ótkerildi.

 Xudiyar Matyakubov 2023-2025-jıllarda “Qaraqalpaqstannıń jergilikli qawın sortları genofondın jaratıw hám eksportbap sortlarınıń elita tuqımların jedel nál usılında jetistiriw” hám 2023-2026-jıllarda “Paxtanıń aral boyı topıraq klimat sharayatına mas talshıq sapası jáhán úlgi talaplarına juwap beretuǵın hám joqarı talshıq shıǵıwına ie jergilikli sortların jaratıw hám mámleketlik sort sınawǵa beriw” atamasındaǵı ámeliy joybarlar basshısı.

 Ushırasıwǵa Qaraqalpaqstan awıl xojalıǵı hám agrotexnologiyalar institutı rektorı B.Jollıbekov, jaslar máseleleri hám ruwxıy-aǵartıwshılıq isleri boyınsha birinshi prorektor M.Dáuletmuratov, professor-oqıtıwshılar, shákirtleri hám jaqınları qatnastı.

 Ushırasıw institutımız jaslar máseleleri hám ruwxıy-aǵartıwshılıq isleri boyınsha birinshi prorektor M. Dauletmuratov kiris sóz benen ashıp berdi hám basqarıp bardı.

 Bunnan soń, Qaraqalpaqstan awıl xojalıǵı hám agrotexnologiyalar institutı rektorı B.Jollıbekov hám de ushırasıw qatnasıwshıları X.Matyakubov haqqında óz pikirlerin bildiriw menen birge búgingi kúnge shekem alıp barǵan ilimiy hám ámeliy jumıslarına ayrıqsha toqtap ótti.