Qaraqalpaqstan awıl xojalıǵı hám agrotexnologiyalar institutı hám de Kegeyli rауоnı 2-sanlı politexnikumı Ózbekstan Respublikası Joqarı bilimlendiriw, ilim hám innovaciyalar ministrliginiń 2022-jıl l4-iyuldaǵı “Joqarı oqıw orınları hám olardıń filiallarına biriktirilgen texnikumlarda tiyisli kafedralardıń filialları hámde oqıw laborаtоriуаlаr xızmetin shólkemlestiriw haqqında”ǵı 226-sanlı hám 2025-jıl 25-fevraldaǵı Joqarı bilimlendiriw sistemasında dual bilimlendiriwdi shólkemlestiriw is-iljáları haqqında”ǵı 77-sаnlı buyrıq talaplarınan kelip shıǵıp Qaraqalpaqstan awıl xojalıǵı hám agrotexnologiyalar institutı «Gumanitar pánler hám tiller» kafedrası baslıǵı Z.Kallibekova, aǵa oqıtıwshı Z.Mambetniyazova, assistentler Z.Allaniyazov, G.Erjanova hám A.Seyfullaevlar institutqa biriktirilgen Kegeyli rayonı 2-sanlı politexnikumına barıp master klass sabaqların ótti.

Atap aytqanda, docent Z.Kallibekova «Renessans dáwiri hám onıń jetiskenlikleri», Z.Mambetniyazova «XIX ásirdiń aqırıda úlkemizde jadidshilik háreketiniń wákilleri», Z.Allaniyazov «Voleybol oyınında hújim jasaw hám qorǵanıw texnikası», G.Erjanova «Jańa baspadaǵı Ózbekstan Respublikası Konstituciyası» hám A.Seyfullaev «Islam dini» temalarında keń túrde túsinikler berdi.

Docent Z.Kallibekova óz sózinde elimizde sońǵı jıllarda bilimlendiriw tarawına joqarı itibar qaratılıp, Ózbekstannıń «altın fondı» dúzilip atırǵanlıǵın ayrıqsha atap ótti.

Aǵa oqıtıwshı Z.Mambetniyazova úlkemizde jadid aǵartıshıları M.Behbudiy, A.Avlaniy, M.Qori, A.Fitrat, A.Qodiriy, S.Ayniy, S.Májiytovler tárepinen ilim, bilim, mádeniyat tarawında bir qatar reformalardı ámelge asırǵanlıǵı haqqındaǵı maǵlıwmatlardı ayttı.   

Dene-tárbiyası hám sport páni oqıtıwshısı Z.Allaniyazov master klass sabaǵında «Voleybol oyınında hújim jasaw hám qorǵanıw texnikası» dep atalıp, onda oqıtıwshı tárepinen voleybol oyını tariyxı, onıń qaǵıydaları, sport maydanınıń ólshemleri, voleybol oyınında hújim jasaw hám qorǵanıw usılları haqqında ámeliy kórsetpeler berdi.

Sabaq sońında oqıwshılar ózleriniń qızıqtırǵan sorawlarına juwaplar aldı. Oqıtıwshı tárepinen jazılǵan «Ulıwma bilimlendiriw mekteplerinde baslanǵısh klass oqıwshılarınıń fizikalıq sıpatların rawajlandırıw ózgeshelikleri» atlı oqıw metodikalıq kitabın sawǵa retinde inam etti.

Assistent G.Erjanova «Jańa baspadaǵı Ózbekstan Respublikası Konstituciyası»nıń qabıl etiliwi, ondaǵı ózgerisler, jańadan qosılǵan bap hám statyalarǵa toqtaldı.

Dintanıw páni oqıtıwshısı A.Seyfullaev «Islam dini» tariyxı, muqaddes deregi, táliymatları, bayramları, máresimleri, dinniń payǵambarı hám onıń iskerligi haqqındaǵı maǵlıwmatlardı ayttı.

Oqıwshılar ózlerinin qızıqtırǵan sorawlarına juwaplar aldı.